Ululahu Samuel 18:14 - Buka Blahi Ka Cheke Holo

¹⁴ Leuleghu fata na mae Devet uludi koba magra igre, naugna Lord na au balugna mana.

Ululahu Samuel 18:14 ပူးပေါင်းရင်းမြစ်များ

Jenesis 39:23

Lord ne au balugna mae Josep ne toghoni mana, eghuteuna glepo te edi mana re ne keli fara. Mae te reireghigna suga sosolo na theome ghatho peapea ka unha te chekedi mana mala edi mae Josep teure.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”

Josua 6:27

Mae Josua ne fnakno fara heva heva Kenan eidi glepo te edi mana igre. Eghuteuna Lord na ne au fabrahu balugna mana.

Mae Khuru 18:10

Naugna iara au balumu iagho. Theo kaisei naikno nate fakabru nigho na, naugna kmana naikno ka namono igne nogu iara.”

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Ululahu Samuel 10:7

Kate thoke nigho iagho glepo igre, iagho ginauna tangomana te edi unha teke ghathodi iagho re naugna Lord na au balumu iagho.

Ululahu Samuel 18:15

Kate filoni mae Sol te uludi koba mana magra igre, mae Sol ne mhaghuni mae Devet.

Fapea Kings 18:7

Aonu Lord ne au balugna mae Hesekaea, eghuteuna gobigna lepo te edi mana re neke thofno keli fara. Eghuteuna mae Hesekaea ne theome magnahagheni king gna Asiria gne ne theome leghuni mana.

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.

Ululahu Samuel 19:8

Kate mei armi gna Filistia na, mae Devet ne tei baludi nogna soldiare ne magra ka mare. Mae Devet balugna nogna soldiare magra heta ne rikha armi gna Filistia.

Fapea Samuel 5:10

Mae Devet ne rheta fara, naugna Lord God mae ihei te au nolaghi fateote'o igne ne au fabrahu balugna mana.

Ululahu Kronikols 18:6

Eghuteuna mae Devet ne lisei faleghu kmana soldia mala au jare Damaskas. Aonu naiknodi Siria ne mei au ke parigna nogna nolaghi mae Devet, eghuteuna mare ne foli takis ka mana. Namono aheva te tei magra mae Devet na, Lord toghoni mana.

Ululahu Kronikols 18:13

Eghuteuna mae Abisae ne lilisei kmana soldia ka nogna tothoghei armi na mala reireghidi kmana namono Idom, eghuteuna kmana naiknodi Idom ne au ke parigna nogna nolaghi mae Devet. Ka vido aheva te tei magra mae Devet igre, Lord toghoni koba mana mala uludi magra tuare.

Fapea Kronikols 17:3

Lord ne au balugna Jehosafat, naugna mana ne jateula kuꞌegna King Devet tifa ia neu ne leghuni fabrahu puhi te keli na. Mana neke theome toreni god Baal igne mala toghoni,