Ululahu Samuel 18:1 - Buka Blahi Ka Cheke Holo

^1-2 King ghe mae Devet ne toutonudi unha teke edi mae Devet re. Funu ka narane igne, mae king ne theome snakreni mae Devet teke figri ka namono gna na, naugna mana magnahagheni mae Devet te loku ranghini. Ka vido tuana mae Jonatan thugna mae Sol igne fofodu fara balugna mae Devet jateula kaisei thabusigna eghu.

Ululahu Samuel 18:1 ပူးပေါင်းရင်းမြစ်များ

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Ululahu Samuel 20:17

Aonu mae Jonatan ne toreni mae Devet mala ke nhaꞌa chekei mala ghatho tahuni nhaꞌa cheke igne, naugna mae Jonatan namhani fara mae Devet jateula Devet te namhani mae Jonatan eghu.

Fapea Samuel 1:26

Iara tanhi nigho thabusigna Jonatan. Nou namha iagho ranghi ghau iara na thofno biꞌo fara salaꞌuni te namhani gaꞌase na.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Jenesis 44:30

“Mae biꞌo, jame te ke pulo iara ka mae mama eghuteuna theome filoni mae mama mae sitei gne teke pulo balugu iara teuna, mana ginauna na lehe, naugna mae sitei igne e thofno nagnafagna fara mae mama. Mae kmami ghehati na mana la thono kueku'e fara hi. Eghuteuna jame te theome hata fapulo ghehati balumi mae sitei igne na, mae mama ginauna na lehe ka diꞌanagnafa.

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Ululahu Kronikols 12:17

Mae Devet jifla ne tei thafodi mare, ne cheke eghu ka mare, “Jame ghotilo te kheragu iara na, ghotilo mei mala togho ghau iara, iara ginauna kelitagu fara te mei ghotilo te loku fodu ka iara na. Nu ghotilo laseni, jame ghotilo mei te mala lisa lao ghau iara ka khamedi nogu naoka re, nodi God mae kuꞌeda ra ginauna laseni glepo igne, eghuteuna mana ginauna para ghami ghotilo.”

Ululahu Samuel 19:2

ne tei cheke eghu ka mana, “Mae kmagu iara na magnahaghei te falehe nigho iagho, eghume, iagho fiofilo nighoi eghu! Hamerane nathuꞌu na iagho tei hironi kaisei vido te keli mala tei poru.

Jajis 20:11

Aonu mare te gnafa na ne loku fodu jateula kaisei tothoghei neu kolho nei kaisei gaoghatho mala tei magra ka naiknodi Gibea.

Nodi Khoje Hatimare Mae Jiu 86:11

Lord God, farirhiu mei ghau glepo te magnahaghedi iagho te mala edi iara re, mala leghudi iara thofno chekemu iagho re. Uve, togho ghau iara sagho mala thofno keli tagu iara te mala ghatho tahu nigho na.

Ululahu Samuel 14:45

Nu mae soldia gre ne cheke faheta eghu ka mae Sol, “Sei! Mae Jonatan gne neke togho ghita neke uluni tahati magra ginei ia! Faꞌunha lehe si mana gnea? Ghehati thofno cheke kate tutuani ka nanghagna Lord mae ihei te karha te tifa, eigna theome tangomana kaisei naikno nate faleheni mana na. Neuba kaisei khakla ikoi ka phaꞌu gna mana na, theome tangomana kaisei naikno nate rathu koko na. Glepo teke eni mana ginei ia, God neke toghoni mana.” Ka cheke igre, mae soldia gre ne fakarhini mae Jonatan.

Ululahu Samuel 19:1

Aonu mana ne cheke balugna mae Jonatan nei nogna mae biꞌore mala hironi kaisei puhi mala faleheni mae Devet. Nu mae Jonatan namhani fara mae Devet,

Ululahu Samuel 20:8

Jonatan, togho ghau iara nou mae gloku gne, eigna tapa neke eni kaisei nhaꞌa cheke ke ulugna Lord. Jame teke eni iara kaisei najafra ka mae kmamu iagho na, theome naba iagho te atha te tei ghau iara ka mana na, te keli na iagho ngala te falehe ghau iara na.”

Ululahu Samuel 22:8

Jame igne gaoghatho te theome ghatho tahu ghau iara ghotilo gne! Theo kaisei ka ghotilo te mei cheke ka iara aheva mae thugu iara mae Jonatan balugna thugna Jesi igne te nhaꞌa cheke phiamare te mala fofodu fabrahu na. Mana nogu mae gloku iara, nu mana hiro puhi te mala falehe ghau iara na! Eghuteuna mae thugu iara mae Jonatan igne ngala te huhuruni mana te eni igne, nu theo kaisei ka ghotilo te ghatho tahu ghau iara te mei chekeni glepo igne ka iara na.”

Ululahu Samuel 23:18

Phiamare ne nhaꞌa cheke ka nanghagna Lord mala theome gnafa nodi fofodu na. Ke leghugna igne, mae Jonatan figri neke pulo ka namono, nu mae Devet ne au neu Hores.