Ululahu Samuel 17:7 - Buka Blahi Ka Cheke Holo

⁷ Eghuteuna nogna goru na thono biꞌo fara, kheꞌigna goru igne thono fnonu fara neke horo ka aean, eghuteuna tahugna goru igne thogra thokeni fitu kilo. Mana au kaisei nogna mae soldia te mala pala nogna greoreo na. Eghuteuna mae igne tei ke ulugna mana.

Ululahu Samuel 17:7 ပူးပေါင်းရင်းမြစ်များ

Fapea Samuel 21:19

Eghuteuna keha fata ke leghudi igre, mare neke tei magra ka maedi Filistia ka namono Gob. Eghuteuna mae Elhanan thugna mae Jare kaisei maegna Betlehem, mana neke faleheni mae Golia kaisei maegna Gat, mae igne kaisei mae biꞌo fara jateula goigholi eghu. Gajugna nogna goru mae igne biꞌo fara jateula fatha suga eghu.

Ululahu Kronikols 11:23

Eghuteuna kaisei fata mana neke aknu falehe kaisei maegna Ijep. Brahugna mae igne namo thokeni phei mita vidogna. Maegna Ijep igne mana hata ne mei balugna kaisei goru te biꞌo. Eghuteuna mae Benaea hata koko ka mana goru biꞌo igne ne fada falehe mae igne ka nogna goru thegna na.

Ululahu Samuel 17:41

Ka vido igne, mae Golia balugna nogna mae soldia te pala nogna greoreo biꞌo mala magra na nolo ne mei namo ka mae Devet.

Ululahu Kronikols 20:5

Eghuteuna keha fata na, mae Israel ne magra ka armigna Filistia, mae Elhanan thugna mae Jaea igne ne aknu falehe kaisei goigholi gna Gat. Nanghagna goigholi igne, mae Lami, thabusigna mae Golia. Gajugna nogna goru mana igne biꞌo jateula fatha suga eghu.

Fapea Samuel 21:16

Kaisei mae biꞌo fara jateula goigholi teuna au ka armigna Filistia, nanghagna na Isbi-beno, mana magnahaghei te faleheni mae Devet. Mana hata kaisei goru te horo ka bras kheꞌigna na, eghuteuna tahu gna na, thilo kilo gram vidogna, eghuteuna mana jaola au kaisei naflahi majaghani mala magra.