Ululahu Samuel 17:50 - Buka Blahi Ka Cheke Holo

⁵⁰ Neuba mae Devet ne theo nogna naflahi mala magra, mana magra ne faleheni mae Golia ka phirikuava nei thina eghu kolho.

Ululahu Samuel 17:50 ပူးပေါင်းရင်းမြစ်များ

Jajis 15:15

Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Ululahu Samuel 23:21

Mae Sol ne cheke eghu ka mare, “Lord fablahi ghami ghotilo, naugna ghotilo ne togho ghau iara!

Ululahu Samuel 21:9

Mae pris Ahimelek ne cheke eghu, “Nogna naflahi mae Golia, maegna Filistia teke fada falehe iagho ka glogu Ila ia ngala te au teu igne na. Pipiha lilisei teu iara ke leghugna efod na ana. Jame te magnahagheni iagho na, iagho tangomana te atha na. Tuana ngala kaisei glepo mala magra te au ka iara agne na.” Mae Devet ne cheke eghu, “Jare na theo kaisei naflahi te jateula te nogna mae Golia igne teuna! Famei sagho ka iara.”

Ululahu Samuel 17:39

Mae Devet ne famamhaku nhugha te mala makugna nogna naflahi mala magra king na ke klignadi phoko mala magra igre. Nu kate fariu riu nonolo mana na, mana ne theome tangomana te tei na, naugna mana neke theome fahaghedi glepo igre tifa na. Aonu mana ne cheke eghu ka king, “Jame te fahaghe iara glepo igre na, iara ginauna na theome tangomana te magra na.” Aonu mana ne atha koko glepo igre.

Ululahu Samuel 13:22

Naugna ka puhi igre te theo nodi naflahi nei jata eghu te mala magra mae Israel gre. Mae Sol ghe mae Jonatan kolho te au nodi glepo mala magra na.

Jajis 3:31

Ke leghugna Ehud, Samga thugna Anat jaola neke fakarhidi naiknodi Israel. Mana kaisei fata na neke aknu falehe namno gobi maedi Filistia ka kaisei gaju fnonu te atha mare te mala batudi buluka re.

Ululahu Samuel 17:49

Mana hughe ka nogna gloi na ne atha fajifla kaisei thina ne nhaꞌa lao ka phirikuava na. Aonu mana ne viuviru phirikuava na ne fateini thina igne ne churu ne tei lamna ka greregna mae Golia na ne phosa nhubra phaꞌu na. Aonu mana khoko jukma ne soru pari ka glose na.

Ululahu Samuel 17:51

Aonu mana chari ne tei korho fajifla nogna naflahi mala magra thegna mae Golia na ne kusu phaꞌugna mana na. Kate filoni te lehe nodi mae nheta na, mae soldia di Filistia igre ne kafe rikha.

Ululahu Samuel 19:5

Mana neke lisei faleghu nakarhagna na neke faleheni mae Golia. Ka narane igne Lord neke toghoni Israel neke uluni magra na. Kate filoni igne, iagho neke gleale'a fara. Mana theome eni kaisei glepo te diꞌa. Naugna unha sagho te magnahaghei faleheni mana gnea? Iagho theo kaisei nou gaoghatho te keli te mala faleheni mana na!”