Ululahu Samuel 17:49 - Buka Blahi Ka Cheke Holo

⁴⁹ Mana hughe ka nogna gloi na ne atha fajifla kaisei thina ne nhaꞌa lao ka phirikuava na. Aonu mana ne viuviru phirikuava na ne fateini thina igne ne churu ne tei lamna ka greregna mae Golia na ne phosa nhubra phaꞌu na. Aonu mana khoko jukma ne soru pari ka glose na.

Ululahu Samuel 17:49 ပူးပေါင်းရင်းမြစ်များ

Fapea Kings 9:24

Eghuteuna mae Jehu hata nogna phaloho na ne fadi leghuni mae King Joram. Eghuteuna jata te fada mana igne tei ne kahi farihoteidi phei khekleghogna mae King Joram re ne tei suplu ka nagnafagna mana na. Eghuteuna mana khoko soru ke lamna chariot ne lehe.

Ululahu Kings 22:34

Nu kaisei mae soldia gna Siria ne fada tafri ka nogna phaloho na ne soru ka King Ehab. Jata igne ne soru ka khukrugna pohe te mala fanagragna jata na. Aonu king ne cheke eghu ka nogna mae draeva gna nogna chariot na, “Iara la ghoreho hila. Iagho figri chariot gne mala tei kokoni tapa magra igne!”

Ululahu Samuel 17:48

Mae Golia tugha ne mei ne namo ka mae Devet, aonu mae Devet ghosei chari ne tei.

Ululahu Samuel 17:50

Neuba mae Devet ne theo nogna naflahi mala magra, mana magra ne faleheni mae Golia ka phirikuava nei thina eghu kolho.

Ululahu Samuel 19:5

Mana neke lisei faleghu nakarhagna na neke faleheni mae Golia. Ka narane igne Lord neke toghoni Israel neke uluni magra na. Kate filoni igne, iagho neke gleale'a fara. Mana theome eni kaisei glepo te diꞌa. Naugna unha sagho te magnahaghei faleheni mana gnea? Iagho theo kaisei nou gaoghatho te keli te mala faleheni mana na!”