Ululahu Samuel 17:46 - Buka Blahi Ka Cheke Holo

⁴⁶ Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.

Ululahu Samuel 17:46 ပူးပေါင်းရင်းမြစ်များ

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Josua 4:24

Kate filodi glepo igre, naikno te gnafa ka nauthoglu igne ginauna laseni Lord te au nolaghi biꞌo na, eghuteuna tahati ginauna ghatho tahuni fabrahu mana.”

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Ululahu Kings 8:43

Neuba iagho ne au neu kligna, fanomho mei sagho ka unha te toreni mare na. Aonu naikno te au heva heva ka vido te gnafa igre ginauna lase nigho, nei ghatho tahu nigho jateula te edi nou naikno iagho Israel igre eghu. Eghuteuna naikno te gnafa igre ginauna laseni Sugablahi te horo iara igne kaisei vido mala pogho soru nigho iagho.

Diutronomi 28:26

Kate lehe ghotilo na, nanghaji nei glepo tautagu teu igre ginauna mei ghamu thinimi ghotilo re, eghuteuna ginauna na theo kaisei naikno nate au teu te mala bruedi re.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Matiu 24:28

Tutuani fara, naikno kmana ginauna kafe filo laseni meigu iara na, jateula kate filoni bukrei glango na, mare na filo laseni aheva thuru teu thinigna bosu te lehe na.

Profet Daniel 3:29

Eghume, igne nogu cheke iara na. Jame ihei te cheke faparini nodi God thilo mae igre na, neubane unha kantri, ba kokholo, ba cheke, iara ginauna puri faleheni mana, eghuteuna iara ginauna paꞌe soru nogna suga mae tuana. Naugna theo kaisei god te fakarha naikno jateula God te fakarhidi thilo mae igre teuna.”

Profet Isaia 37:20

Nu iagho Lord, iagho nomi God ghehati mae Israel. Fakarhi ghami ka nodi nolaghi maedi Asiria, eghuteuna naikno te gnafa ka kantri te gnafa ka nauthoglu igne ginauna lase nigho iagho te kaisei iagho ngala God na.”

Nodi Khoje Hatimare Mae Jiu 46:10

God ne cheke eghu ka naiknore, “Thosei magra! Filo si ghotilo, iara God! Iara nodi king naikno te gnafa ka namono te gnafa ka nauthoglu gne.”

Ululahu Samuel 17:44

Mae Golia ne eha eghu tei ka mae Devet, “Mei sagho! Iara ginauna snakre lao nafnahimu iagho na ka nanghaji nei ka glepo te tautagu are eghu mala ghamu reꞌe.”

Diutronomi 7:23

Nu Lord ginauna tusu ari ka ghotilo nodi glose naiknore. Eghuteuna naikno teke khotogna glose igne ginauna mhaghu nodi fara na theome tangomana te eni unha na, ghilei aknu falehe gnafa ghotilo naiknore.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Profet Isaia 56:9

Lord ne cheke eghu, “Ghotilo nodi naoka mae Israel ra! Ghotilo mei jateula lion te mala mei ghamudi nogu naikno iara ra eghu.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Josua 10:8

Lord ne cheke eghu ka mae Josua, “Thosei mhaghudi mae tuare. Iara ginauna togho ghami ghotilo, eghuteuna ghotilo ginauna uluni magra igne. Eghuteuna theo kaisei ka mare nate ulu ghami ghotilo ka magra na.”

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Fapea Samuel 18:28

Aonu mae Ahimas mei namo ne eha eghu ka king, “Gobigna lepore keliu kolho!” Mana haghe ka king ne pogho soru pari, ne cheke eghu ka mana, “King, nogu funei, tahati cheke fakelini nanghagna noda Lord God! Mana fakarhi nigho ka mae ihei teke khi fajifla nigho ia.”

Fapea Samuel 21:10

Aonu Rispa hata pohe tiatifa te diꞌare ne lisei lao ke kligna thina biꞌo rhegna te au thinidi fitu mae te lehe igre. Eghuteuna naꞌa au fabrahu jare funu ka narane te funu ukli bali mare na ghilei posa ka narane te funu nakhete na. Ka narane na naꞌa brue nanghaji, eghuteuna bongiro na, naꞌa brue khuma mata. Naugna naꞌa theome magnahaghedi glepo igre te mei ghamu thinidi fitu mae igre.

Ululahu Kings 8:60

Ka puhi igne naikno te gnafa ka nauthoglu igne ginauna laseni te Lord na ngala God te tutuani na.

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Profet Jeremaea 34:20

Eghume, iara ginauna lilisei ghami ghotilo ke pari gna nodi nolaghi hatimare mae naoka mae iheire te magnahaghei falehe ghami ghotilo igre. Eghuteuna thinimi ghotilore ginauna mala ghamu ghedi saroko nei khuma mata.

Jenesis 40:19

Ke lamnadi thilo narane igre mae king ginauna na hata fajifla nigho iagho ke kosi suga sosolo, eghuteuna mana ginauna na chekedi hatimare mae soldia ra mala kusu graramu iagho na. Eghuteuna mare ginauna na fagefe haghe thinimu iagho na ka kaisei gaju, eghuteuna nanghajire ginauna na mei ghamu thinimu iagho na.”

Profet Jeremaea 19:7

“ ‘Eghuteuna ka vido igne iara ginauna goigonidi nodi gaoghatho maedi Juda nei Jerusalem. Iara ginauna snakredi nodi naoka mare are mala falehedi mare ka magra. Eghuteuna iara ginauna snakre lao ka nanghaji nei ka glepo te tautagu eghu mala ghamu fateo thinidire.