Ululahu Samuel 17:45 - Buka Blahi Ka Cheke Holo

⁴⁵ Nu mae Devet ne eha eghu tei ka mana, “Uve, iagho mei balu jata nei naflahi eghu mala falehe ghau iara. Nu iara na ari magra ka iagho ka nanghagna Lord mae ihei te au nolaghi fateote'o. Armi gna Israel igne nogna God mae ihei te cheke faparini iagho igne.

Ululahu Samuel 17:45 ပူးပေါင်းရင်းမြစ်များ

Fapea Korin 10:4

Glepo mala magra te hata ghehati gre theome nogna nauthoglu igne. Theo. Nu glepo neke mei funu ka God te au nolaghi biꞌo te mala tangomana ghehati te tapla sorudi nogna gloku mae Satan re. Eghume ghehati tangomana te tapla sorudi thua nafnata gaoghatho te theome tutuani.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Fapea Korin 3:5

Tutuani, ghehati theo kaisei nomi nolaghi themi te mala chekeni ghehati nabami si te mala eni gloku igne teuna. Nu God ngala te fatangomana ghami ghehati te mala eni gloku igne na.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Nodi Khoje Hatimare Mae Jiu 124:8

Lord mae ihei teke vuavuhadi maloa ghe nauthoglu gre ngala te mala togho ghita na.

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Profet Isaia 37:23

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te blahi fara, nu iagho cheke fapari ghau iara!

Ululahu Samuel 17:10

Ghotilo te gnafa na theome nabagu iara! Ghotilo fariu riu vahini kaisei mae mala magra ghepa gognarogne.”

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Nodi Khoje Hatimare Mae Jiu 44:6

Iara theome rouronudi nogu phaloho nei nogu naflahi teu igre nate fakarhi ghau iara kau magra na.

Profet Isaia 37:28

“Nu iara lasedihi gobigna lepo eimu iagho, unha te edi iagho nei aheva te tei iagho, nei puhi te cheke diꞌa tamu fara teu iagho ka iara ra.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 17:6

Eghuteuna phei gahegnare pipiha ka bras. Eghuteuna mana sara haghe kaisei naflahi biꞌo mala magra teke horola ka bras.

Fapea Kronikols 14:10

King Asa balugna nogna armi na tei ne magrini Sera. Mare te gnafa na tarabana mala magra ka glogu Sefata rhegna namono Merasa.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.