Ululahu Samuel 17:4 - Buka Blahi Ka Cheke Holo

⁴ Aonu mae Golia, kaisei mae nhetagna Gat au ka armi gna Filistia igne. Mana jifla mei ka vido te au mare na ne mei kegra pari ka glogu na. Mae nheta igne thogra thilo mita brahugna na.

Ululahu Samuel 17:4 ပူးပေါင်းရင်းမြစ်များ

Josua 11:22

Theo kaisei ka vikegna Anak te au teu Israel. Nu theome kmana kolho te au teu ka namono Gasa nei Gat nei Asdod.

Ululahu Samuel 17:23

Ka vido te cheke teu mana ka thilo mare igne, mae Golia mae nhetagna Filistia igne ne jifla mei. Mana ne eha fabiꞌo balu cheke fadiꞌadi mae Israel, nafnata puhi te eni koba mana ka mare igne. Aonu mae Devet ne nomhidi nogna cheke mana igre.

Ululahu Kronikols 11:23

Eghuteuna kaisei fata mana neke aknu falehe kaisei maegna Ijep. Brahugna mae igne namo thokeni phei mita vidogna. Maegna Ijep igne mana hata ne mei balugna kaisei goru te biꞌo. Eghuteuna mae Benaea hata koko ka mana goru biꞌo igne ne fada falehe mae igne ka nogna goru thegna na.

Ululahu Samuel 27:4

Eghuteuna kate nomhini te rikha te tei au mae Devet Gat igne, mae Sol ne theome ke fariu riu hironi mana.

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.

Ululahu Samuel 17:3

Armi gna Filistia igne kegra ka kaisei thogele ke kasa glogu. Eghuteuna armi gna Israel na jaola ne kegra ke kasa ka keha thogele na.

Ululahu Samuel 17:5

Eghuteuna nogna phoko na neke horo ka bras. Tahugna phoko igne thogra namno salei kilo. Eghuteuna nogna khepi na neke horo ka bras.