Ululahu Samuel 17:39 - Buka Blahi Ka Cheke Holo

³⁹ Mae Devet ne famamhaku nhugha te mala makugna nogna naflahi mala magra king na ke klignadi phoko mala magra igre. Nu kate fariu riu nonolo mana na, mana ne theome tangomana te tei na, naugna mana neke theome fahaghedi glepo igre tifa na. Aonu mana ne cheke eghu ka king, “Jame te fahaghe iara glepo igre na, iara ginauna na theome tangomana te magra na.” Aonu mana ne atha koko glepo igre.

Ululahu Samuel 17:39 ပူးပေါင်းရင်းမြစ်များ

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Profet Hosia 1:7

Nu iara ginauna kokhonidi naiknodi Juda igre mala toghodi. Iara nodi Lord God mare, eghuteuna iara ginauna fakarhidi. Theome ka naflahi, ka phaloho, ka jata, ba ka hose. Theo. Nu iara Lord, God mae ihei te au nolaghi fateote'o, iara ginauna fakarhidi.”

Ululahu Samuel 17:38

Aonu king Sol ne atha nogna glepo mala magra thegnare ne tusu lao ka mae Devet. Mana atha khepi mala magra teke horo ka bras na ne lisei lao ka phaꞌugna mae Devet na. Eghuteuna mana atha phoko te mala barani mana ka jata na ne nhaꞌa lao ka mana.

Ululahu Samuel 17:40

Mae Devet atha nogna khodo na ne soru ka khoꞌu ikoi na ne vavahi glima thina te famane khoukhoru ne hono lao ka nogna gloi na. Aonu mana atha nogna phirikuava na ne tei magra ka mae Golia.