Ululahu Samuel 17:38 - Buka Blahi Ka Cheke Holo

³⁸ Aonu king Sol ne atha nogna glepo mala magra thegnare ne tusu lao ka mae Devet. Mana atha khepi mala magra teke horo ka bras na ne lisei lao ka phaꞌugna mae Devet na. Eghuteuna mana atha phoko te mala barani mana ka jata na ne nhaꞌa lao ka mana.

Ululahu Samuel 17:38 ပူးပေါင်းရင်းမြစ်များ

Ululahu Samuel 17:37

Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”

Ululahu Samuel 17:39

Mae Devet ne famamhaku nhugha te mala makugna nogna naflahi mala magra king na ke klignadi phoko mala magra igre. Nu kate fariu riu nonolo mana na, mana ne theome tangomana te tei na, naugna mana neke theome fahaghedi glepo igre tifa na. Aonu mana ne cheke eghu ka king, “Jame te fahaghe iara glepo igre na, iara ginauna na theome tangomana te magra na.” Aonu mana ne atha koko glepo igre.

Ululahu Samuel 18:4

Fagaglanagna nhaꞌa cheke igne, mae Jonatan ne atha nogna pohe brahu na ne tusu lao ka mae Devet. Mana jaola ne tusu lao ka mana nogna phoko mala fanogra jata, naflahi, phaloho nei nhugha teu igre ka mae Devet.