Ululahu Samuel 17:37 - Buka Blahi Ka Cheke Holo

³⁷ Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”

Ululahu Samuel 17:37 ပူးပေါင်းရင်းမြစ်များ

Nodi Khoje Hatimare Mae Jiu 63:7

Naugna iagho ne togho ghau iara koba. Iara gne au fakeli nogu ke parimu iagho jateula khokorako te toku tafru thugnare ke paradi phei bagi gnara eghu na. Eghume iara koje balu gleꞌa.

Ululahu Kronikols 22:11

Eghuteuna mae Devet neke cheke eghu ka mae Solomon, “Thuguo, Lord ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na.

Ululahu Samuel 20:13

Nu jame ghaoghaho mala fadiꞌa nigho iagho teu mana na, iara ginauna togho nigho mala rikha iagho. Jame te theome eni iara igne na, snakreni Lord mala para ghau iara. Iara toreni Lord mala au balumu iagho jateula mana teke au balugna mae mama tifa ia eghu!

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Ululahu Kronikols 22:16

ka gol nei silva, nei ka bras nei ka aean. Eghume iagho funu loku gognarogne, eghuteuna snakreni Lord mala au balumu.”

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Nodi Khoje Hatimare Mae Jiu 77:11

Lord God, iara ginauna ghathodi glepo biꞌo teke edi iagho ra. Uve, iara ginauna ghathodi glepo biꞌo teke edi iagho tifara.

Ululahu Samuel 26:25

Eghuteuna King ne cheke eghu ka mana, “Devet, thuguo Devet, Lord fablahi nigho mala uludi koba iagho unha nate edi ka iaghore.” Aonu mae Devet jifla jare ne tei nogna, eghuteuna mae Sol figri neke pulo ka nogna namono na.

Ululahu Samuel 24:19

Thono ninhigrana fara ranghini ihei te snakre teini nogna naoka na jame te auhi ka khamegna mana na. Iara toreni Lord mala tusu ranghi nigho glepo te keli, naugna iagho neke theome falehe ghau iara ginei ia!

Nodi Khoje Hatimare Mae Jiu 11:1

Iara thofno laseni Lord na ginauna togho ghau iara kate mei puhi biꞌo ka iara na. Jau iagho gaoghathomu na cheke eghu ka iara, “Rikha tei sagho ka thogele gno, jateula kaisei nanghaji te mhaghu te rikha te tei ia eghu.

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 17:38

Aonu king Sol ne atha nogna glepo mala magra thegnare ne tusu lao ka mae Devet. Mana atha khepi mala magra teke horo ka bras na ne lisei lao ka phaꞌugna mae Devet na. Eghuteuna mana atha phoko te mala barani mana ka jata na ne nhaꞌa lao ka mana.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Josua 1:17

Ghehati ginauna leghu nigho, jateula teke leghuni ghehati mae Moses tifa ia eghu. Eghuteuna nou Lord nei nou God teu iagho igne ginau au balumu iagho jateula teke au mana balugna mae Moses ia eghu.

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Nodi Khoje Hatimare Mae Jiu 118:6

Iara ginauna theome mhaghu naugna Lord na au balugu iara. Naiknore theome tangomana te eni kaisei glepo te diꞌa te mala goigoni ghau iara na.