Ululahu Samuel 17:35 - Buka Blahi Ka Cheke Holo

³⁵ iara leghuni lion ba bea tuana tei puri falehe mala fakarhini sua sipu igne. Eghuteuna jame kaisei lion ba bea te ghasa te mei ka iara na, iara ginauna loku ka graragna na bicho falehe.

Ululahu Samuel 17:35 ပူးပေါင်းရင်းမြစ်များ

Profet Emos 3:12

Lord jaola ne cheke eghu, “Jame kaisei lion ghamu kaisei sipu, eghuteuna mae te reireghigna sipu igne ginauna fariuriu mala ke hata fapulo. Mana ginauna filodi kolho keha vido guli nei phei nhubra ghahe eghu kolho. God ginauna jaola eni nafnata puhi igne ka naikno te au Samaria, kaisei namono biꞌo ka kantri Israel. Naikno teke au gleale'a igre ginauna au diꞌanagnafa. Eghume ginauna na jateula igne eghu theome kmana kolho nate karha na agne Israel.”

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Nodi Khoje Hatimare Mae Jiu 91:13

Iagho ginauna tapla ke klignadi lion, nei mogo te faghughumhu. Uve, neubane eghu ngau na theo kaisei glepo te diꞌa nate thoke nigho iagho na.

Fapea Samuel 23:20

Benaea thugna mae Jehoeada kaisei mae frane gna Kabsel, mana jaola kaisei mae soldia nheta te hata nafnakno biꞌo. Eghuteuna mana edi kmana glepo te biꞌo, eghuteuna kaisei glepo na, mana neke aknu falehe phei mae soldia nheta di Moab. Eghuteuna ka narane te khoveo maku te kiloi aes igne, mana soru ka khora na neke aknu falehe kaisei lion.

Ululahu Samuel 17:34

Nu mae Devet ne cheke eghu, “King, iara mae mala reireghidi nogna sipu mae kmagu. Eghuteuna kate mei kaisei lion ba bea te pala te tei kaisei sua sipu na,

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.