Ululahu Samuel 17:34 - Buka Blahi Ka Cheke Holo

³⁴ Nu mae Devet ne cheke eghu, “King, iara mae mala reireghidi nogna sipu mae kmagu. Eghuteuna kate mei kaisei lion ba bea te pala te tei kaisei sua sipu na,

Ululahu Samuel 17:34 ပူးပေါင်းရင်းမြစ်များ

Hibru 11:33

Hatimare neke fatutuani ni God. Naugna igne mare neke edi kmana nafnata glepo te biꞌo. Mare magra neke tapla sorudi kmana mae king nei kmana namono biꞌo. Mare neke funei ka puhi te doglo, nei hata unha glepo te keli teke nhaꞌa cheke ranghidi. Naugna igne mare ne fofotho foflodi lion nei falehedi khaꞌaghi te biꞌo fara, eghuteuna nodi naflahi mae te magnahaghei mei falehedi mare re theome thokedi mare. Neuba mare ne nigra, mare ginauna nake nheta. Eghuteuna mare heta fara ka magra ka hatimare mae thara te mei funudi ka namono delei nei tapla sorudi.

Jajis 14:6

Nu Tharunga gna Lord na ne soru mei ka mana ne farhetani fara mana, eghuteuna mana tei ne aknu falehe lion igne, eghuteuna mana ne kina sasakani thinigna lion igne ka khamegna na kolho. Mae Samson ne aknu falehe lion igne jateula mae Samson te aknu falehe sua nanigot ra eghu kolho. Nu mana theome chekeni glepo igne ka idogna ghe kmagna gre.

Ululahu Samuel 17:33

King ne cheke eghu, “Theo, iagho theome nabamu! Mae igne mae soldia funu tifa mei, nu iagho kaisei mae majaghani kolho.”

Ululahu Samuel 17:35

iara leghuni lion ba bea tuana tei puri falehe mala fakarhini sua sipu igne. Eghuteuna jame kaisei lion ba bea te ghasa te mei ka iara na, iara ginauna loku ka graragna na bicho falehe.

Profet Emos 3:12

Lord jaola ne cheke eghu, “Jame kaisei lion ghamu kaisei sipu, eghuteuna mae te reireghigna sipu igne ginauna fariuriu mala ke hata fapulo. Mana ginauna filodi kolho keha vido guli nei phei nhubra ghahe eghu kolho. God ginauna jaola eni nafnata puhi igne ka naikno te au Samaria, kaisei namono biꞌo ka kantri Israel. Naikno teke au gleale'a igre ginauna au diꞌanagnafa. Eghume ginauna na jateula igne eghu theome kmana kolho nate karha na agne Israel.”

Jenesis 31:39

Ka narane te filoni iara te lehe kaisei sipu ba kaisei nanigot ka nou tothoghei iagho ra, iara neke theome hata neke mei fakakhana ka iagho. Theo. Nu iara thegu ngala teke tughudi re. Leuleghu fata na iagho neke cheke faheta ka iara mala ke foli tughuni iara kaisei nou sipu ba kaisei nou nanigot teke mei hata khuma ka narane ba ka bongiro.

Ululahu Samuel 17:15

nu mae Devet tangomana te mei ka vido igne, eghuteuna ke pulo Betlehem mala ke tei reireghidi nogna sipu mae kmadi na.

Fapea Samuel 17:8

Iagho lasenihi mae kmamu iagho ia, baludi nogna mae soldia mana ra thono lase magra fara. Eghuteuna gognarona mare thofno diꞌatadi fara jateula bea te diꞌatagna fara kate blau naiknore thugna ra eghu. Eghume ginauna bongi na mana na theome au baludi nogna soldiare.

Fapea Samuel 23:20

Benaea thugna mae Jehoeada kaisei mae frane gna Kabsel, mana jaola kaisei mae soldia nheta te hata nafnakno biꞌo. Eghuteuna mana edi kmana glepo te biꞌo, eghuteuna kaisei glepo na, mana neke aknu falehe phei mae soldia nheta di Moab. Eghuteuna ka narane te khoveo maku te kiloi aes igne, mana soru ka khora na neke aknu falehe kaisei lion.

Ululahu Kronikols 11:22

Mae Benaea, thugna mae Jehoeada ka namono Kabsel, mana kaisei mae soldia nheta te jaola te hata nangha biꞌo eidi glepo biꞌo teke edi mana re. Kaisei glepo na, mana neke aknu falehe phei soldia nhetadi Moab. Eghuteuna keha fata ka narane te reka fara na khoveo te kiloni snou na ne soru toku tafru namono na, mana soru ka kaisei khora ne aknu falehe kaisei lion jare.

Nodi Khoje Hatimare Mae Jiu 143:5

Nu kate ghatho fapulodi iara narane tela salaꞌu ari ra, iara ke ghathodi unha teke edi iagho ka ghehatira.

Profet Esikiel 34:12

Eghuteuna iara ginauna na jateula mae te reireghi fakelidi nogu sipura eghu nake hata fodu meidi. Iara ginauna tei hirodi teke rikha ka narane te ninhigrana nei puhi biꞌo teku teke tei au tafri ka keha kantri delei ra. Uve, iara ginauna nake hata fapulo meidi.

Profet Sekaraea 9:7

Iara ginauna theome snakredi mare mala ghamu nafnahi te au dadara tagna nei keha gano te blahi langau eghu. Naiknodi Filistia te karha teura ginauna loku fodu ka nogu naikno gre mala kaisei ngala ka nogu naikno iara re, eghuteuna mare ginauna jateula te kaisei vikegna Juda eghu. Naiknodi Ekron ginauna nogu naikno iara, jateula naiknodi Jebus eghu.

Profet Sekaraea 11:16

Glepo igne kaisei fagaglana eigna iara ginauna lilisei kaisei mae te diꞌa mala reireghi sipu mala funei frunini glose igne. Mae tuana ginauna theome reireghidi kolho sipu te tei ka vido te mala lehe tagna na, ba hirodi sipu te tei tafri. Mana ginauna theome toghodi sipu te thubu, ba tufa gano ka sipu majaghani. Nu mana ginauna aknu falehe sipu te famane mala ghamu, nei jaola atha koko tathabla dire.

Luku 2:8

Ka bongi tuana, keha mae grereighi sipu au neu jare ke kosigna namono na fiofilodi neu tothoghei sipure.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Letas Teke Riso Tei Mae Pol Ka Khiloau Rom 5:4

Eghuteuna kate au heta fabrahu tahati na, God ginauna na jaola tangomana te gleale'a ka tahati na, mala tangomana tahati te thofno rouronuni te mala hata u nogna nhaꞌa cheke mana na.

Thakle 13:2

Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.