Ululahu Samuel 17:32 - Buka Blahi Ka Cheke Holo

³² Mae Devet tei ne filoni king ne cheke eghu, “King, theome tangomana tahati te mhaghuni mae soldia gna Filistia tuana! Iara nou mae gloku iagho gne ginauna tei magra ka maegna Filistia tuana.”

Ululahu Samuel 17:32 ပူးပေါင်းရင်းမြစ်များ

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”

Nodi Khoje Hatimare Mae Jiu 3:6

Iara theome tangomana te mhaghudi nabotho thogha naoka te mei kegra falithui ghau igre.

Profet Isaia 35:4

Ghotilo loku famaku nagnafadi iheire te mhaghu nei nanga nodi. Ghotilo cheke eghu, “Ghotilo thosei mhaghu ba nigra, naugna Lord ginauna fakarhi ghita, eghuteuna mana ginauna paradi noda naoka tahati re. Mana ginauna nake tughu fapulo glepo te diꞌa teke edi mare ka tahati ra.”

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Hibru 12:12

Thosei babaꞌo te leghuni u thofno nakarha te keli na! Te theome nheta khamemire nei nigra ghahemire teuna ke farerheta fapulo!

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Josua 14:12

Eghume, iagho snakre mei ka iara thogele teke chekeni Lord ka narane teke toutonudi iara unha teke filodi ka phei tathagure. Iagho nomhinihi unha teke chekeni iara ia, jame maedi Anak te nheta fara nei mae brahu eghu te au ka namono biꞌo te bara te maku na. Nu jame te au teu Lord balugu iara na, iara tangomana te tei brue fajifladi mae igre jateula teke chekeni Lord igne eghu.”

Naba 13:30

Nu mae Kaleb ne eni fagaglana ka iheire naikno te fodu balugna mae Moses re mala kmu mare, aonu mana ne cheke eghu, “Tahati na tei falehedi mare gognaro gne mala atha tahati vido tuana. Tahati tangomana ngala te uludi mare na!”

Ululahu Samuel 17:31

Keha mae soldia te nomhidi nogna cheke mana igre, mare tei ne toutonu ka mae Sol. Aonu king ne kiloni mae Devet mala tei filoni mana.

Profet Isaia 7:4

Iagho cheke eghu ka mana, ‘King Ehas! Iagho thosei nanga nou nei mhaghu eghu! Iagho thosei snakreni gaoghathomu na mala glaꞌe soru. Fanomho mei sagho! Iagho thosei mhaghudi phei mae king tuare. Diꞌatadi phiamare ka iagho tuana jateula gagahudi phei nakrono te namo lehe ra eghu kolho.