Ululahu Samuel 17:28 - Buka Blahi Ka Cheke Holo

²⁸ Aonu mae Eliab, mae ke biꞌogna mae Devet igne nomhini te cheke teu mana baludi mare igne ne diꞌatagna fara ne cheke eghu, “Ei, unha te mei eni iagho agne na? Mae ihei nate reireghidi nou phei thilo sipu te au teu ka namono nagoura? Iara lase nigho iagho kaisei mae diꞌa! Iagho mei agne mala filo nou magra kolho!”

Ululahu Samuel 17:28 ပူးပေါင်းရင်းမြစ်များ

Matiu 10:36

Eghume, ginauna thofno tharaknagna mana na ngala te nogna mae naoka mana re.

Proveb 18:19

Ninhigrana fara te tei namo ka mae thabusigna te diꞌatagna ka iagho na, naugna mana jateula namono biꞌo te bara te lithui ka thina ra eghu. Nogna fapholai mana igne jateula grengatha aean te loki mare ra eghu.

Jenesis 37:11

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Jenesis 37:8

Hatimare mae thabusigna mana igre ne nomhini igne ne cheke eghu ka mae Josep, “Ba, iagho magnahaghei te kegra haghe te mala kaisei nomi mae king ghehati mala funei fruni ghami ghehati sia!?” Hatimare mae thabusigna mana igre ne thofno diꞌatadi fara ka mae Josep eigna u mifi igne, nei eidi langau unha te chekedi mana re eghu.

Jenesis 37:4

Hatimare mae thabusigna mana igre ne filoni mae kmadi na te namhani fara mae Josep ke tulaodi marei na ne diꞌatadi fara ka mana.

Nonomho Te Keli Teke Risoi Mae Mak 3:21

Kate nomhini thoutonu igne, keha thabusigna mae Jisas re ne mei mala tathaleini mana, naugna keha naiknore ne cheke eghu, “Mae Jisas na la ghilei noli tutuani.”

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Nodi Khoje Hatimare Mae Jiu 35:11

Naikno te diꞌa igre mare fathoro mei ka iara keha puhi te diꞌa teke theome edi iara re.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Ululahu Samuel 17:29

Nu mae Devet ne cheke eghu, “Iara theome eniu kaisei glepo te najafra na. Ba, iara theo nogu nolaghi te mala ghusna na?”

Fapea Kronikols 11:18

King Rehoboam ne tolaghi ka Mahalat. Mahalat gne thugna gaꞌase mae Jerimot, mae Jerimot gne thudi nalhaꞌu King Devet ghe Abihael. Eghuteuna Abihael gne teuna thugna gaꞌase mae Eliab, mae Eliab gne thugna nalhaꞌu mae Jesi.