Ululahu Samuel 16:7 - Buka Blahi Ka Cheke Holo

⁷ Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Ululahu Samuel 16:7 ပူးပေါင်းရင်းမြစ်များ

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Ululahu Pita 3:4

Nu unha te au ke lamna nagnafami ghotilo na tangomana te mala kekheliana fifilogna na. Eghuteuna te kekheliana fifilomi ghotilo na igne theome tangomana teke mala tughu na, naugna mei ka nakarha te au faleghu nei famane muana. Puhi igre thofno kekheliana fifilodire ka tathagna God nei mana ghatho tahudi fara.

Proveb 16:2

Jau iagho ne thofno doglo puhimu na ka tathagna God na eghu. Nu Lord ginauna laseni unha te au ka nagnafamu iagho na.

Proveb 31:30

Keha gaꞌase re famane, nu chaichaghi kolho eghu. Keha gaꞌase re famane filodi re, nu katha vido kmoꞌei kolho eghuteuna hui. Nu gaꞌase te ghatho tahuni Lord na, nabagna te mala cheke fakelini na.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Profet Jeremaea 20:12

Lord, iagho mae ihei te au nolaghi fateote'o! Iagho ngala tangomana te fariu riudi naikno te kelire, naugna iagho laseni fara gaoghathogna naikno na. Gognarogne iara magnahaghei te filo nigho iagho te paradi naikno igre, naugna iara lilisei nogu diꞌanagnafa na ka khamemu iagho.

Nodi Khoje Hatimare Mae Jiu 139:2

Iagho la kulu lasedihi gobigna lepo teke edi iara ra. Neuba iagho ne au neu delei fara, iagho la kulu lasedihi gaoghathogu te gnafa iara re.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Ululahu Pita 2:4

Noda Lord Jisas na thina karha. God neke vahini mana mala glepo ulu tulao ka tathagna God na. Neubane eghu ngau, naiknogna nauthoglu igne theome magnahagheni mana. Nu ghotilo mei ka mana.

Thoutonu Eigna Mae Job 10:4

Ba, iagho au tatha jateula naikno eghu? Ba, iagho filo glanidi glepo te tangomana te edi ghehati re?

Fapea Samuel 14:25

Mae Absalom gne kaisei mae famane tutuani fara, eghuteuna theo kaisei glafi te au ka thinigna mana na. Theo kaisei maegna Israel te famane jateula mae Absalom teuna. Eghuteuna naikno te gnafa Israel igre keli tadi fara kate filoni mana na.

Ululahu Samuel 9:2

Mae Kis au kaisei thugna nalhaꞌu, nanghagna na mae Sol. Theo kaisei mae gna Israel te jateula mana teu te brahu fara nei famane mae majaghani fara teuna.

Profet Jeremaea 11:20

“Lord, iagho mae ihei te au nolaghi fateote'o! Kaisei iagho ngala te tangomana te fateni naikno na ka puhi te doglo. Iara lisa ari ka khamemu iagho puhi te diꞌa te eni fabrahu mare ka iara igne. Eghuteuna iara magnahaghei te filoni unha nate tughu fapulo iagho ka mare puhi te diꞌa teke eni mare ka iara igne.”

Proveb 15:11

Lord na filo lamna ka namonodi naikno tela lehehira. Eghuteuna mana jaola tangomana te filo lamna ka thiꞌagna naikno na.

Nodi Khoje Hatimare Mae Jiu 7:9

God, puhimu iagho na thofno doglo fara, iagho filo suplidi nagnafami nei lasedi teu glepo te magnahaghedi ghehati re. Tapla fothidi sagho u gaoghatho te diꞌa te au ka naikno te diꞌa are. Eghuteuna toghodi naikno te keli re mala kegra heta.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Jone 8:15

Ghotilo khogla fate leghuni kolho gaoghathogna naiknogna u nauthoglu igne kolho, eghuteuna iara theome fateni kaisei naikno jateula te eni ghotilo tuana eghu.

Jenesis 4:5

Nu Lord ne theome ghatho tahuni nogna fafara mae Kein na. Mae Kein ne diꞌatagna ne ngingirini fara.

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.

Fapea Samuel 7:20

“Unha nafnata cheke naba te mala cheke iara ka iagho na Lord God? Iara nou mae gloku iagho kolho, eghuteuna iagho lase fakeli ghau iara.

Proveb 24:12

Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.

Ululahu Kronikols 17:18

“Unha nafnata cheke gne nate chekeni iara ka iagho na? Iara nou mae gloku iagho kolho, iagho lase fakeli ghau iara fara.

Thoutonu Eigna Mae Job 35:5

Filo haghe sagho ka maloa gno mala filodi khoveo are, reꞌe haghe fara ke kligna glose. God na ke haghegna tuanai.