Ululahu Samuel 16:6 - Buka Blahi Ka Cheke Holo

⁶ Kate mei mare na, mae profet ne filoni mae Eliab. Mana ne ghaoghatho eghu ka nagnafagna na, “Jame mae te mei kegra ke ulugna Lord igne ngala jame teke vavahi mana na.”

Ululahu Samuel 16:6 ပူးပေါင်းရင်းမြစ်များ

Ululahu Samuel 17:13

Thilo mae teke kulu karha ka mana re, mare tei ka magra balugna king. Mae teke kulu karha na, mae Eliab, fapea na mae Abinadab, eghuteuna fatilo na, mae Sama.

Ululahu Kronikols 2:13

Mae Jesi neke au fitu thugna nalhaꞌu. Mae Eliab, mae Abinadab, mae Simea, keha nanghagna na, Sama.

Ululahu Samuel 17:22

Mae Devet lisei soru ganore ka mae te reireghidi nodi gobigna lepo mae armi igre ne chari ne tei ka vido te tarabana mala magra teu mare na. Mana tei ne filodi thilo mae thabusignare ne ghusnadi thilo mare te keli teu ba unha.

Jajis 8:18

Gnafa teuna, Gidion ne ghusna eghu ka Seba ghe Salmuna, “Ba, mae teke aknu falehe ghopa ka thogele Teboa ra ba?” Aonu phiamare ne cheke eghu, “Tathadi nei foflodi teu mare re jateula iagho eghu kolho. Te filodi ghehati re mare te gnafa na thofno jateula thugna kaisei king eghu.”

Ululahu Kronikols 27:18

Mae Elihu thabusigna King Devet, mana funei ka vikegna mae Juda. Mae Omri thugna Maekol, mana funei ka vikegna mae Isaka.

Ululahu Kings 12:26

Mae Jeroboam ne cheke eghu ka nagnafagna na, “Nogu naikno iara igre ginauna nake figri ke pulo ka vikegna King Devet.

Ululahu Kronikols 28:4

“Neuba ngau, Lord noda God tahati maeda Israel neke vahi ghau iara nei vikegu teu iara igre ngala te mala king fruni ni Israel fabrahu tifa tifa. Iara ka vikegna Juda, God neke vahini Juda mala batudi keha vike are. Eghuteuna ka vikegna Juda mana neke vahini tharaknagna mae kmagu iara, eghuteuna ka tharakna igne mana neke magnahaghei ghau iara te mala king frunidi naikno te gnafa agne Israel.

Fapea Kronikols 11:18

King Rehoboam ne tolaghi ka Mahalat. Mahalat gne thugna gaꞌase mae Jerimot, mae Jerimot gne thudi nalhaꞌu King Devet ghe Abihael. Eghuteuna Abihael gne teuna thugna gaꞌase mae Eliab, mae Eliab gne thugna nalhaꞌu mae Jesi.

Nodi Khoje Hatimare Mae Jiu 84:9

God, iagho ngala teke vavahi na nomi king ghehati gne! Fablahini mana sagho.

Ululahu Kings 4:11

Mae Ben Abinadab, mae mala reireghidi namono te au fei thogele ka namono biꞌo Nafa-Dor. Mae Ben Abinadab gne mana tolaghi ka Tafa thugna King Solomon.