Ululahu Samuel 16:5 - Buka Blahi Ka Cheke Holo

⁵ Mana ne cheke eghu ka mare, “Uve, iara mei ka pharikeli mala fafara ka Lord. Ghotilo fagae ghami themi ke ulugna Lord, eghuteuna ghotilo mei mala fafara balugu iara.” Mae Jesi baludi thugna re mare mala klino ke ulugna Lord. Aonu mana kilodi mare ne mei ka fafara igne.

Ululahu Samuel 16:5 ပူးပေါင်းရင်းမြစ်များ

Josua 3:5

Mae Josua ne cheke eghu ka naiknore, “Ghotilo mala kulu fagae ghami themi ka tathagna Lord, naugna nathuꞌu na, mana ginauna eni kaisei kofubobhoi farihoteida tahati.”

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Ululahu Korin 11:28

Naugna igne mana kulu filo glaninighu nagnafagna thegna na ame ima nga bret igne nei koꞌu nga hinao igne eghu.

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Profet Joel 2:16

Ghotilo ehadi naikno ra mala khapru mei ka Sugablahi igne. Fufunu ka naikno biꞌo, mae biꞌo, gaꞌase majaghani, nalhaꞌu majaghani, nei goro sua te chuꞌu teu ra eghu. Eghuteuna naikno te tolaghi majaghani ra mala jaola jifla mei ka sugadire.

Thoutonu Eigna Mae Job 1:5

Hamerane boibongi ke leghudi gaghamu igre, mae Job ne gahu fafara mala klino ka tathagna God na maladi mae thugna re. Leuleghu fata na, mana eni koba igne naugna te ghathoni mana na, na glahu kaisei ka mare tapla jafra ka nakhibo ranghini God ba cheke faparini mana ka nagnafadi re.

Naba 11:8

Eghuteuna leghu fata na naiknore salo koba “manna” te khoko soru balu buabubla khoꞌu leghu hamerane re ka vido te au mare na. Aonu mare ginauna tei graigrahi mala jateula flaoa eghu, eghuteuna kuki fa ikodi. Eghuteuna kate ima te famaimani mare na ne jateula bret te kuki ka oliv oel ra neu.

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Ululahu Samuel 20:26

King ne theome chekeni kaisei glepo ka iheire te au teu jate ka narane igne eigna mae Devet, naugna glahu edi mae Devet keha glepo te theome doglo ke ulugna Lord, te theome naba mae Devet te mei ka gaghamu igne leghuni unha te chekeni ka vetula na.

Profet Sefanaea 1:7

Nogna Narane Lord te mala fatedi naiknore la namo meihi. Eghume ghotilo ginauna theome tangomana te ghagri kaisei cheke kate mei kegra ke ulugna Lord. Naugna mana la kulu tarabanahi te mala fafara nogna naiknore. Eghuteuna mana ginauna toredi mae naokare mala mei roꞌedi nogna naiknore.

Ululahu Kings 2:13

Kaisei narane, mae Adonaeja thugna Hagit igne tei ne filoni Batseba idogna mae Solomon. Kate filoni mana na, Batseba ne ghusna eghu ka mana, “Iagho mei ka pharikeli?” Mae Adonaeja ne cheke eghu, “Uve, iara mei ka pharikeli!”

Ululahu Kronikols 12:18

Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.