Ululahu Samuel 16:14 - Buka Blahi Ka Cheke Holo

¹⁴ Aonu Tharunga gna Lord na ne theome au balugna king Sol. Eghuteuna Lord ne kuru tei kaisei naitu mala mhaghu mana.

Ululahu Samuel 16:14 ပူးပေါင်းရင်းမြစ်များ

Nodi Khoje Hatimare Mae Jiu 51:11

Thosei huju fadelei ghau iara mala tei fakhaba nigho, God, thosei hata fadeleini mae Tharunga te Blahi na ka iara.

Ululahu Samuel 18:12

Lord ne au balugna mae Devet, nu mana theome au balugna mae Sol. Eghume gognarona mae Sol mhaghuni fara mae Devet.

Ululahu Samuel 28:15

Mae Samuel ne cheke eghu ka mae Sol, “Naugna unha sagho te goigoni ghau iara gnea? Naugna unha sagho te korho fapulo ghau iara gnea?” Mae Sol ne cheke eghu, “Iara au ka puhi biꞌo fara! Armi gna Filistia ginau mei magra ka iara, eghuteuna God na tirogna ghatho ghauhi iara. Mana jaola tei koko ghau iara ne tirogna cheke tughu mei ka hatimare mae profet, ba ka mifi. Naugna igne te kilo mei nigho iara na. Iara magnahaghei nigho iagho te mei cheke ranghi ghau unha nate eni iara na.”

Jajis 16:20

Eghuteuna naꞌa ne eha eghu, “Samson dofra haghe! Maedi Filistia igre la mei!” Aonu Samson ne dofra haghe. Kate dofra haghe na, mana ghaoghathogna na ne keli neu kolho na snagla teu nogna eghu. Nu mana theome laseni nogna nolaghi Lord tela tei kokonihi mana na.

Jajis 9:23

God ne kuruni kaisei naitu ne faꞌeiꞌei puhi biꞌo farihoteigna Abimelek nei naiknodi Sekem, eghuteuna naiknodi Sekem ne magra ka funei igne.

Ululahu Samuel 18:10

Kaisei narane ke leghugna igne, naitu teke kuru mei God ka mae Sol igne ne mei faheta fara ne jateula mae te nolinira neu mana. Aonu mae Devet ne jateula te sughu edi thegna leghu naranera neu ne atha nogna ghita na ne lalahu ka mana. Nu mae Sol ne atha kaisei jata ne cheke eghu ka gaoghathogna na, “Iara ginauna fadi jatani mae igne mala chakhi mana ka gringni ana.” Mana phia fata fariu riu fadi faleheni mae Devet, nu jata igre ne jafra kolho ka mae Devet.

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Ululahu Kings 22:22

“Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”

Ululahu Samuel 11:6

Eghuteuna kate nomhini mana igne, Tharunga gna God na ne mei faheta fara ka mana ne diꞌatagna fara.

Jajis 16:29

Aonu Samson ne loku kaisei khamegna ka kaisei khegra biꞌo eghuteuna keha khame na ka keha khegra biꞌo na neu ka Sugablahi na.

Ululahu Samuel 16:15

Keha nogna mae gloku mae king igre ne cheke eghu ka mana, “God kuru mei kaisei naitu ka iagho.

Ululahu Samuel 16:16

Jame magnahaghei iagho na, ghehati ginauna tei hironi kaisei mae te lase lalahu gita. Glahula ke pulo mei naitu igne ka iagho, mana ginauna lalahu gita mala ke keli fapulo iagho gaoghathomu na.”

Ululahu Samuel 16:23

Funu ka narane igne, keha fata kate pulo mei naitu na teke thokeni king na, mae Devet atha nogna ghita na ne lalahu. Kate lalahu mana igne, naitu na neke tei kokoni mae Sol. Aonu mana neke snagla gaoghathogna na neke gleale'a fapulo.

Fapea Samuel 7:15

Nu iara ginauna na namhani mana fabrahu jateula teke eni iara ka mae King Sol ia eghu, iara neke brue fajiflani mana, eghuteuna iagho teke king tughuni mana na.

Ululahu Kings 22:19

Nu profet Maekaea tudu ne cheke eghu, “Fanomho fakeli ka unha te chekeni Lord igne! Iara filoni ka kaisei mifi Lord te gnokro teu ka nogna sape nafnakno na kligna. Eghuteuna nogna engel mana re kegra fei nhetagna, eghuteuna kehare fei mairigna.