Ululahu Samuel 16:12 - Buka Blahi Ka Cheke Holo

¹² Aonu mae Jesi ne leghuni chekegna mae profet igne ne kuruni kaisei mae ne tei atha meini mana. Mana kaisei mae famane nalhaꞌu, mae nheta nei keli fara filogna na eghu. Aonu Lord ne cheke eghu ka mae Samuel, “Uve, igne mae ihei te magnahagheni iara na, iagho fablahini mana mala king.”

Ululahu Samuel 16:12 ပူးပေါင်းရင်းမြစ်များ

Lamentations 4:7

Tifa na, mae biꞌore neke klino fara, neke famane filodi re. Mare nheta fara eghuteuna theo kaisei fogra te tangomana te thokedi mare.

Famane Khoje 5:10

Kheragu iara igne nheta, nei thofno famane fara. Neubane nabotho thogha mae igre mei filo ghau iara, nu ka gaoghathogu iara na, mana keli salaꞌudi mare gnafa.

Mae Khuru 7:20

“Ka vido igne teke karha mae Moses na. Mana kaisei mae famane sua nalhaꞌu. Mare neke tajini mana naba thilo nhigra lamna suga.

Mae Khuru 4:27

Tuani fara Lord, agne Jerusalem na mae Herod ghe mae Pontius Paelat neke kaisei baludi naikno te theome Jiure nei naiknodi Israel re eghu mala faleheni mae Jisas, mae nou gloku blahi iagho na. Mae ihei iagho teke vahini mala mae Mesia.

Ululahu Samuel 17:42

Kate filoni mae Devet na, mae Golia ne filo faparini mana, naugna mana kaisei mae majaghani kolho. Eghuteuna mana kaisei mae famane nalhaꞌu, mae nheta nei keli fara filogna na eghu.

Ululahu Samuel 9:17

Aonu ka narane ke leghugna igne mae Samuel ne filoni mae Sol, eghuteuna Lord ne cheke eghu ka mana, “Tuana ngala mae teke chekeni iara gnora ka iagho ia. Mana ginauna funei frunidi nogu naikno iara re.”

Jenesis 39:6

Aonu mae Potifa ne lisa lao ka mae Josep te mala reireghidi nogna gobigna lepore. Eghuteuna mae Potifa ne theome kaisei ghatho peapeani ka mae Josep. Thono theo fara. Gano te mala ima na ngala te ghathoni mana na. Mae Josep gne kaisei mae nheta fara nei kaisei mae famane fara eghu fifilogna na.

Hibru 11:23

Idogna nei kmagna mae Moses gre repa neke fatutuani ni God. Eghume repa neke pophoruni mana lamna suga thilo nhigra ke leghugna teke karhagna na naugna repa filo glanini sua igne famane fara. Jaola repa neke eni igne naugna repa ne theome mhaghuni nogna vetula mae king te chekeni, “Mae sua nalhaꞌu majaghani te gnafare mala falelehe.”

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Eksodas 2:2

Gaꞌase igne bukla ne karha kaisei sua nalhaꞌu. Kate filoni naꞌa te famane sua nalhaꞌu na, naꞌa tei pophoru sua igne ghilei thilo nhigra.

Ululahu Samuel 17:55

Kate filoni mae Sol te tei magra mae Devet te faleheni mae Golia igne, mana ne ghusna ka mae Abna, mae komanda gna nogna armi na, “Abna, thugna mae ihei si mae majaghani ignea?” Mae Abna ne cheke eghu, “Iara cheke kate tutuani fara, iara theome laseni.”

Fapea Samuel 7:8

“Iagho tei cheke eghu ka nogu mae gloku iara mae Devet, ‘Igne unha te chekeni Lord mae ihei te au nolaghi fateote'o na: Iara neke hata fajifla nigho iagho ka gloku te mala reireghi sipu igne, eghuteuna iara gognarona vahi nigho iagho mala baubatudi nogu naikno iara Israel.

Fapea Samuel 23:1

Igne nogna cheke leghu lahu mae Devet, thugna mae Jesi. Nogna God mae Jekop neke vahini mae Devet mala mae king biꞌo. Eghuteuna nodi God mae Israel te au nolaghi biꞌo igne namhani mana. Kate cheke God ka mana te mala cheke na, mae Devet ne cheke eghu:

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Nodi Khoje Hatimare Mae Jiu 78:70

Mae Devet na mae mala reireghi sipu, nu God neke vahini mana mala kaisei nogna mae gloku. Aonu mana neke atha fajiflani mae Devet ka gloku tuana mala nodi king vikegna Israel. Gognaro na mana mae mala reireghidi nogna naikno mana re.

Profet Sekaraea 4:14

Aonu mana ne cheke eghu, “Lord funei frunidi gobigna lepo ka nauthoglu igne, eghuteuna phei glepo igre, eidi phia mae nate vavahi mana te mala edi nogna gloku re.”

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”