Ululahu Samuel 16:1 - Buka Blahi Ka Cheke Holo

¹ Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Samuel 16:1 ပူးပေါင်းရင်းမြစ်များ

Fapea Kings 9:1

Kaisei narane, profet Elisa ne kilo meini kaisei mae profet majaghani, ne cheke eghu ka mana, “Iagho tarabana mala tei Ramot-Gilead. Eghuteuna iagho hata botol oliv oel igne.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Ululahu Samuel 15:35

Eghuteuna funu ka narane igne te ghilei thoke ka narane te lehe mae Samuel na, mana ne theome tei filoni mae Sol. Nu leuleghu fata na, mae Samuel neke diꞌanagnafa gna fara ka king, eghuteuna Lord neke diꞌanagnafa gna fara naugna mae Samuel neke fablahi ni mae Sol mala king gna Israel.

Letas Teke Riso Tei Mae Pol Ka Khiloau Rom 15:12

Eghuteuna mae profet Isaia ne cheke eghu, “Kaisei mae ka vikegna Jesi ginauna mei. Mana ginauna mei mala funei frunidi iheire te theome Jiu, eghuteuna mare ginauna rouronu ka mana mala toghodi.”

Ululahu Samuel 16:15

Keha nogna mae gloku mae king igre ne cheke eghu ka mana, “God kuru mei kaisei naitu ka iagho.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Ululahu Samuel 15:26

Nu mae Samuel ne cheke eghu, “Iara theome tangomana te tei balumi iagho na. Naugna iagho ne tirouni chekegna Lord na, eghume mana theome magnahaghei nigho iagho te king Israel gognarona.”

Ululahu Samuel 9:16

“Iara la filodihi nodi diꞌanagnafa nogu naikno iara re, eghuteuna iara la nomhidihi te tanhi mare ka iara mala toghodi iara teure. Nathuꞌu jateula gognarogne teuna, iara ginauna kuru ari kaisei mae ka vikegna mae Benjamin mala ari filo nigho iagho. Iagho ginauna tofa oel ka phaꞌugna mana na mala fablahini mana mala king gna Israel. Eghuteuna mana ginauna fakarhi ghami ghotilo ka nodi nolaghi maedi Filistia.”

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.

Profet Jeremaea 6:30

Naugna mae igre jateula chara silva eghu kolho, iara Lord la figri tagrudihi naikno te diꞌa igre.”

Fapea Kings 9:6

Eghume mae Jehu kegra haghe ne tei ruma ka suga na. Mae profet igne ne tofa oel ka phaꞌugna mae Jehu na ne cheke eghu, “Igne unha te chekeni Lord nodi God mae Israel na, ‘Iara vahi nigho iagho mala nodi king nogna naikno Lord Israel.

Ululahu Samuel 16:23

Funu ka narane igne, keha fata kate pulo mei naitu na teke thokeni king na, mae Devet atha nogna ghita na ne lalahu. Kate lalahu mana igne, naitu na neke tei kokoni mae Sol. Aonu mana neke snagla gaoghathogna na neke gleale'a fapulo.

Profet Jeremaea 7:16

Lord ne cheke eghu ka mae Jeremaea, “Jeremaea, iagho thosei tore ka iara mala toghodi naikno igre. Iagho thosei tanhi nei eha fabiꞌo eghu ka iara, naugna iara ginauna na theome fanomho ka iagho.

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Fapea Kings 9:3

Eghuteuna iagho tofa oel igne ka phaꞌugna mana na, eghuteuna iagho cheke eghu ka mana, ‘Igne unha te chekeni Lord na, iara vahi nigho iagho mala king gna Israel.’ Eghuteuna iagho tora grengatha na faghose rikha, thosei ofo!”

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Profet Jeremaea 11:14

“Jeremaea, iagho thosei taraidi naikno igre, eghuteuna iagho thosei tanhi mei ka iara ka nanghadi mare. Iagho thosei tore ghau iara mala toghodi mare, naugna iara ginauna na theome fanomho ka narane te eha mei mare ka vido te thoke mei ka mare puhi biꞌo igne.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Hibru 11:32

Eghume, na jare ghu gnafa iara. Iara theo nogu narane te mala tonudi ka ghotilo eigna mae Gidion, mae Barak, mae Samson, mae Jefta, mae Devet, mae Samuel nei hatimare mae profet.

Ululahu Kings 8:16

Mana neke cheke eghu, ‘Funu ka narane teke hata fajifladi iara nogu naikno re Ijep te ghilei mei posa ka narane gognarogne, iara neke theome vahini kaisei namono biꞌo ka nodi vido glose vikegna Israel te mala horo ghotilo nogu Sugablahi iara tagna na, te mala tarai ghotilo ka Nanghagu iara na. Nu Iara neke vahi Devet mala funei frunidi nogu naikno iara Israel.’

Ululahu Kronikols 11:3

Aonu, lida te gnafa Israel igre ne kafe mei Hebron, eghuteuna mae Devet ne eni kaisei nhaꞌa cheke ka mare ke ulugna Lord. Mare tofa oel ka phaꞌugna mana na, fagaglanagna te king gna Israel mana na, jateula teke chekeni Lord ka Profet Samuel tifa ia eghu.

Ululahu Kronikols 28:4

“Neuba ngau, Lord noda God tahati maeda Israel neke vahi ghau iara nei vikegu teu iara igre ngala te mala king fruni ni Israel fabrahu tifa tifa. Iara ka vikegna Juda, God neke vahini Juda mala batudi keha vike are. Eghuteuna ka vikegna Juda mana neke vahini tharaknagna mae kmagu iara, eghuteuna ka tharakna igne mana neke magnahaghei ghau iara te mala king frunidi naikno te gnafa agne Israel.

Profet Sekaraea 4:14

Aonu mana ne cheke eghu, “Lord funei frunidi gobigna lepo ka nauthoglu igne, eghuteuna phei glepo igre, eidi phia mae nate vavahi mana te mala edi nogna gloku re.”

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.