Ululahu Samuel 15:8 - Buka Blahi Ka Cheke Holo

^8-9 Mare aknu falehe ne hui naiknodi Amalek, nu mare ne theome faleheni mae Agag nodi king mare na. Eghuteuna mare jaola ne hata famane buluka nei sipu teu igre baludi thudi re, nei keha famane glepo la ngau eghu. Mare ne theome goigoni glepo igre. Nu mare ne goigonidi kolho glepo te theome keli filodi re.

Ululahu Samuel 15:8 ပူးပေါင်းရင်းမြစ်များ

Ululahu Samuel 30:1

Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Naba 24:7

Nakarhami ghotilore ginauna keli fara jateula naikno te au ghedi famane khoꞌu ra eghu, eghuteuna vikemi ghotilore ginauna nheta jateula gano te au kmana khoꞌu tadi te karha kelidi ra eghu. Nomi king ghotilo na ginauna uluni mae Agag, nodi king vikegna mae Amalek, eghuteuna mana ginauna funei frunidi kmana kantri.

Ululahu Kings 20:30

Eghuteuna keha soldia di Siria te karha teura ne kafe rikha ne tei ka namono Afek. Nu gringni thinagna namono na ne grofo soru ne lehe keha varadaki fitu thogha ka mare. Eghuteuna King Ben-Hadad ne jaola ne rikha ne tei lamna namono biꞌo ne tei poru ka kaisei suga.

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Josua 11:12

Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.

Josua 10:39

Mare ne hata namono Deba baludi keha namono te au namo teu ka namono tuana ne aknu falehe ne hui naiknodi namono igre. Mae Josua ne eni nafnata puhi igne ka mae king gna namono Deba jateula teke eni mana ka phei namono Hebron ghe Libna nei hatimare mae king.

Ululahu Samuel 15:20

Nu King Sol ne cheke eghu, “Theo, iara faꞌuvediu kolho nogna cheke mana re. Iara tei jateula teke chekedi mana ra neku. Iara neke hata neke mei King Agag, eghuteuna aknu falehe naiknodi Amalek ra.

Fapea Samuel 8:12

Mana hata gol nei silva teu igre ka namono Idom, Moab, Amon, Filistia, nei Amalek. Mana jaola neke tusu ranghi Lord glepo teke hata mana ka king Hadadesa, thugna mae Rehob, king gna Soba.

Ululahu Kronikols 4:43

Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.

Levitikas 27:29

“Eghuteuna jame ghotilo mala aknu falehe keha mae naugna mana ne huhughuni kaisei vetula, ghotilo theome tangomana te foli fajiflani mana te mala snagla na. Mana mala lehe.

Josua 8:23

Mare hata mae king gna namono Ai igne ne tei ka mae Josua.