Ululahu Samuel 15:6 - Buka Blahi Ka Cheke Holo

⁶ Nu ulu lahu na, mana ne fatei kaisei nonomho ka tharaknagna mae Kein. Mana eni igne, naugna kuꞌedi tharakna gna mae Kein igre neke toghodi kuꞌedi tharaknagna Israel kani teke jifla mei mare Ijep. Nonomho igne neke cheke eghu, “Ghotilo mala jifla kokoni Amalek glahu falehe ghami iara baludi mare.” Aonu mare jifla jare ne tei kokodi naiknodi Amalek.

Ululahu Samuel 15:6 ပူးပေါင်းရင်းမြစ်များ

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Jajis 4:11

Ka narane tuare, Heba kaisei mae ka vikegna Kein, mana neke tei kokonihi vikegna na. Vike igne neke jifla mei ke leghugna Hobab, kaisei nanghogna Moses. Heba neke fakegra haghehi nogna suga thapuale na ka namono Kedes, rhegna kaisei gaju biꞌo ka vido te kiloi mare Sananim.

Eksodas 18:19

Fanomho sagho ka unha te chekeni iara ka iagho igne. Jame te leghuni iagho unha te chekeni iara ka iagho igne na, God ginau na au balumu iagho. Iaghou ngala jame te mala atha lao ka God nodi cheke naiknore. Iagho mala atha lao ka mana nodi magra fapholai teu naiknore.

Ululahu Samuel 27:10

Ka narane tuare, mae Akis ne ghusna eghu ka mae Devet, “Gognarona iagho na tei magra aheva?” Mae Devet cheke ka mae funei Akis aheva nate tei magra mana te funu ka namono nagou ka nohi Juda, nei ka nohi Jeramel, nei ka nohi Ken.

Jajis 5:24

“Jael khetogna Heba ka vikegna Kein, God ginauna fablahi nigho iagho salaꞌudi keha gaꞌase are, eghuteuna mana na faglealeꞌa nigho salaꞌudi goro gaꞌase te au ka suga tapuale are.

Thakle 18:14

Mare na cheke eghu ginauna, “Ghotilo naikno te au Babilon, kokhoni ghami fara! Glepo keli te magnahaghedi fara ghotilo ra la tei koko ghami. Glepo teke dedei fara ghotilo tadira nei keli tamidi teku ra, la dofidihi ka ghotilo. Eghuteuna ghotilo ginauna nake theome filodihi glepo igre.”

Fapea Timoti 1:16

Iara toreni Lord mala kokhonini mae Onesifora nei nogna tharakna. Mana neke togho ghau iara koba eghuteuna mana neke theome mamajani te au iara ka suga sosolo na.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Mae Khuru 2:40

Kmana kmana glepo fara teke chekedi mae Pita ka mare re. Eghuteuna mae Pita ne cheke faheta eghu ka mare, “Thosei leghudi puhidi naikno te diꞌa gognaro gre, na eghunu fate ghami God ginauna jateula naikno te diꞌa tuare eghu.”

Proveb 9:6

Lilisei puhimi te fameomekro are leghuni puhi te doglo na, ghotilo ginauna hatini u nakarha na.”

Ululahu Kronikols 2:55

Eghuteuna keha vike te au ka namono Jabes igre, mae glalase te mala rioriso glepo te ulu ka buka. Naikno igre vikedi Tirat, vikedi Simeat, nei vikedi Sukat. Thilo vike igre neke jifla mei ka vikegna mae Kein, mae ihei teke vikegna mae Hamat. Eghuteuna mae Hamat gne kuꞌedi vikegna mae Rekab.

Naba 16:34

Naikno te gnafa Israel re ne rikha kate nomhidi tanhidi mare re. Mare ne eha eghu fabiꞌo, “Rikha noda! Glose igne jaola na tomno ghita tahati!”

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Ululahu Samuel 15:5

Aonu mana ne tei baludi nogna soldia re ka namono Amalek. Mare poru ofo neu ka kaisei khoꞌu biꞌo te moja mala magra ka naiknodi Amalek.

Ululahu Samuel 30:29

nei Rakol. Mana jaola ne fatei ka mae biꞌo teke vikegna mae Jeramel nei ka vikegna mae Ken.

Jenesis 15:19

Namono igne nodi mae igre, mae Kein, mae Kenas, mae Katmon, mae Hit, mae Peres, mae Refaem, mae Amor, mae Kenan, mae Gigas nei mae Jebus.”