Ululahu Samuel 15:28 - Buka Blahi Ka Cheke Holo

²⁸ Eghuteuna mae Samuel ne cheke eghu ka king, “Lord na la rerhekuhi nou nolaghi iagho na, mana ginauna nake tusu lao nogna kantri Israel gne ka kaisei mae agne Israel te keli salaꞌu nigho iagho.

Ululahu Samuel 15:28 ပူးပေါင်းရင်းမြစ်များ

Mae Khuru 13:22

Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Ululahu Samuel 16:12

Aonu mae Jesi ne leghuni chekegna mae profet igne ne kuruni kaisei mae ne tei atha meini mana. Mana kaisei mae famane nalhaꞌu, mae nheta nei keli fara filogna na eghu. Aonu Lord ne cheke eghu ka mae Samuel, “Uve, igne mae ihei te magnahagheni iara na, iagho fablahini mana mala king.”

Ululahu Samuel 13:14

Nu naugna te theome leghuni iagho nogna cheke Lord na, mae ka tharaknamu iagho re ginauna na theome tangomana te king ke leghumu iagho na. Eghuteuna Lord ginauna hironi mae ihei te kaisei gaoghatho balugna mana na.”

Fapea Samuel 3:9

God ginauna para ghau iara, jame te theome toghoni iara mae Devet te mala hata unha teke nhaꞌa chekehi ka mana na.

Fapea Samuel 3:10

Mana neke nhaꞌa cheke ka mae Devet, mana ginauna hata koko nolaghi te mala king igne ka vikegna mae Sol mala tusu lao ka mae Devet. Uve, mana ne eni kaisei nhaꞌa cheke te rheta tulao ka mae Devet mala king frunidi Israel ghe Juda, funu ka namono Dan ke raru na tei posa ka namono Bereseba ke mata na.”

Fapea Samuel 3:18

Nu gognarona nomi narane ghotilo. Lord neke nhaꞌa cheke eghu ka mae Devet, ‘Iara ginauna vahini nogu mae gloku Devet mala fakarhidi nogu naikno Israel ka khamedi mae Filistia, nei ka khamedi mae naoka fateote'o.’ ”

Fapea Samuel 6:21

Nu mae Devet ne cheke eghu ka Mikal, “Iara prosa nei koje eghu mala kilo fnaknoni nanghagna Lord. Mana neke vahi ghau iara mala tughuni mae kmamu iagho ia, nei mae thugna mana ra eghu. Mana jaola neke vahi ghau iara mala nodi mae baubatu naiknodi Israel. Eghume, iara ginauna kilo fnaknoni Lord.

Ululahu Samuel 25:30

Lord ginauna na jateula teke nhaꞌa chekeni thegna ia eghu edi glepo te keli ranghi nigho iagho, mana ginauna vahi nigho iagho mala king gna Israel.

Ululahu Kings 11:11

God ne cheke eghu ka mae Solomon, “Gaoghatho te diꞌa te au ka iagho igne, te theome leghudi iagho noda nhaꞌa cheke tapa ra, nei theome leghudi nogu cheke iara ra teuna. Eghume iara ginauna na hata fadelei ka iagho nogna nolaghi vikemu iagho te mala king gna Israel na, eghuteuna iara ginauna tusu lao nolaghi igne ka kaisei nou mae biꞌo iagho.

Thoutonu Eigna Mae Job 34:24

God lasedihi mae biꞌo re, eghume mana theome nanga nogna te mala lase fakelidi mare ame goigonidi nga nei tughudi eghu mare.