Ululahu Samuel 15:12 - Buka Blahi Ka Cheke Holo

¹² Hamerane boibongi, mae Samuel kegra haghe ne tei hironi mae Sol. Nu mana nomhini tela teihi mana ka namono Kamel, eghuteuna mana ne lisei haghe kaisei thina fagaglana gna te uluni mana u magra na. Eghuteuna gnafa teuna mana jifla jare ne tei Gilgal.

Ululahu Samuel 15:12 ပူးပေါင်းရင်းမြစ်များ

Josua 15:55

Eghuteuna igre nanghadi keha namonore, Maon, nei Kamel, nei Jif, nei Juta,

Fapea Samuel 18:18

Tifa, kani karha teku na, mae Absalom neke lilisei haghe kaisei thina brahu mala tuthuana gna ka nogna glogu king. Mana neke eni igne, naugna mana theo kaisei thugna te karha teu te mala ke tughuni nangha gna na. Naugna igne, mana ne nhaꞌa soru nanghagna na ka thina igne. Funu ka narane igne te mei posa gognarona mare kiloi thina igne, “Nogna thina mae Absalom.”

Ululahu Samuel 25:2

Ka keha narane na, kaisei mae dedei ka vikegna mae Kelab, nanghagna na mae Nabal, maegna ka namono Maon. Mana au nogna glose rhegna namono Kamel. Mana au nogna thilo thogha sipu nei kaisei gobi nanigot. Khetogna mana na, nanghagna na, Abigel. Naꞌa kaisei thau glalase nei famane gaꞌase fara eghu. Nu mae Nabal gne kaisei mae ninhigrana, nei jaola kaisei mae ghosei diꞌatagna.

Ululahu Kings 18:42

Aonu King Ehab neke pulo mala ghamu, nu mae Elija ne haghe ka thogele Karmel. Mana turupuku soru pari ka glose na ne tarai.

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Ululahu Samuel 13:12

Eghuteuna te ghathoni iara na, mare na theome raugha mei magra ka iara agne. Eghuteuna naugna iara na theome eni kaisei glepo te mala keli tagna Lord ka iara na, iara na tusu lao fafara te thono knoro fara igne.”

Ululahu Samuel 13:15

Aonu, mae Samuel ne jifla Gilgal. Ke leghu, mae Sol neke figri Geba ka nohi Benjamin. Eghuteuna mae soldia gna namono Gilgal igre ne kafe tei balugna mana. Eghuteuna kate filo mana ka nogna soldia gre na, mana laseni te namno gobi soldia kolho te au na.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Ululahu Samuel 17:20

Aonu hamerane boibongi ka keha narane na, mae Devet ne kuruni kaisei mae mala tei reireghi sipu. Aonu mana leghuni unha te chekeni mae kmagna na igne ne atha gano igre jifla ne tei. Mana ne tei posa ka vido aheva te tarabana mala magra teu te eha fabiꞌo teu mae soldiare.

Fapea Samuel 23:35

mae Hesro maegna Kamel; mae Parae maegna Ab;

Fapea Kronikols 26:10

Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.