Ululahu Samuel 15:11 - Buka Blahi Ka Cheke Holo

¹¹ “Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.

Ululahu Samuel 15:11 ပူးပေါင်းရင်းမြစ်များ

Ululahu Samuel 13:13

Nu mae Samuel ne cheke eghu ka King Sol, “Ne faꞌunha site fagoigoli iagho gnea? Lord na nou God iagho, nu iagho ne theome leghuni nogna cheke mana na neu. Jame leghuni iagho nogna cheke mana na meuna, mana ginauna tangomana te fablahini tharaknamu iagho na mala king fabrahu.

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Fapea Samuel 24:16

Eghuteuna engel te mala falehe naikno ka fogra igne ne tei thoke Jerusalem. Nu Lord ne kokhoni nognadi naiknore ne cheke eghu ka engel igne, “Gnafa jareghu! La nabahi!” Ka narane igne, engel nogna Lord na kegra neu rhegna vido te mala koko khune wit na. Igne nogna vido glose mae Arauna, kaisei mae ka vikegna mae Jebus.

Profet Jeremaea 9:18

Aonu naiknore ne cheke eghu, “Chekedi mala faghosei mei tanhi fabiꞌo ranghi ghami! Eghuteuna ghehati ginauna na tanhi ghilei oro soru kholodi tathami gre!”

Nodi Khoje Hatimare Mae Jiu 36:3

Leuleghu fata na mae igne cheke diꞌa nei chaichaghi eghu koba ka keha naiknore. Mana theo kaisei gaoghatho te keli te mala eni puhi te doglo na.

Ululahu Samuel 15:35

Eghuteuna funu ka narane igne te ghilei thoke ka narane te lehe mae Samuel na, mana ne theome tei filoni mae Sol. Nu leuleghu fata na, mae Samuel neke diꞌanagnafa gna fara ka king, eghuteuna Lord neke diꞌanagnafa gna fara naugna mae Samuel neke fablahi ni mae Sol mala king gna Israel.

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Hibru 10:38

“Nogu naikno iara te doglo are ginauna athini thofno karha na, naugna mare ne fatutuanidi nogu cheke iara gre. Nu te figri tagru mare te theome fatutuani ghau iara na, iara ginauna na theome keli tagu.”

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Nodi Khoje Hatimare Mae Jiu 109:4

Neuba iara ne namhadi nei tarai neu koba baludi, mare magnahaghei te cheke fapari ghau iara koba ngala.

Nodi Khoje Hatimare Mae Jiu 78:57

Mare figri tagruni, nei theome ghatho tahuni eghu kolho mana. Ku'edire neke jaola tifa na, eghume theo kaisei naikno te tangomana te rouronudire.

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Josua 22:16

Mare ne cheke eghu ka nanghagna Lord, “Naugna unha site eni ghotilo glepo ignea? Tahati te gnafa na vikegna Israel kolho, eghuteuna Lord na noda God tahati, nu ghotilo eni kaisei glepo te thono diꞌa fara ka tathagna mana. Olta te eni ghotilo igne, falaseni ghotilo te tapla jafra ranghini mana. Gognarona ghotilo theome leghuni mana!

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Nodi Khoje Hatimare Mae Jiu 78:41

Kmana fata mare magnahaghei te fariuriuni noda God tahati naiknoda Israel. Uve, mare tirodini mae ihei te blahi fara na.

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Profet Jona 3:10

God filoni te tughu nakarha naiknore. Aonu mana kokhonidi naiknore ne theome paradi leghuni unha teke chekeni mana tifa na.

Profet Emos 7:3

Eghume Lord neke tughu gaoghathogna na ne cheke eghu, “Glepo teke filoni iagho igne ginauna theome thoke mei.”

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

Eksodas 32:14

Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Ululahu Samuel 8:6

Mae Samuel ne theome gleꞌani nodi cheke mare igne, aonu mana ne tarai ka Lord.

Ululahu Samuel 15:10

Aonu Lord ne cheke eghu ka mae Samuel,

Ululahu Kronikols 21:15

Eghuteuna God ne kuruni engel ne tei goigonini Jerusalem. Nu Lord filoni engel igne ne funu goigonini Jerusalem, eghuteuna mana ne diꞌanagnafagna fara ka glepo te diꞌa te thoke mei ka naiknore igne. Eghuteuna mana tughu nagnafagna ne cheke eghu ka engel igne, “Hui! La nabahi!” Ka narane tuana, nogna Engel Lord na kegra neu rhegna kaisei vido te mala fagagae wit na. Vido igne nogna mae Arauna, kaisei mae ka vikegna mae Jebus.

Profet Jeremaea 11:10

Mare figri neke edi puhi teke edi mae kuꞌedi tifara ne tirodi fanomho ka nogu cheke iara re. Mare theome gnafa te tarai ka mumuju god na. Hatimare mae Israel tifara nei hatimare mae Juda gognarogre, mare kafe huhughuni u nhaꞌa cheke teke eni iara baludi mae kuꞌedi mare tifara.

Profet Jeremaea 34:16

Nu gognarona, ghotilo ke tughu nagnafami. Eghuteuna ghotilo fakakhana te theome ghatho tahu ghau iara na ka puhi te huhughuni ghotilo nhaꞌa cheke igne. Ulu lahu na ghotilo neke snakredi naikno te sneka igre mala snagla jifla tei, mala tangomana mare te tei ka namono aheva te magnahagheni mare na. Nu gognarona, ghotilo ke atha fafigridi mala nomi naikno sneka ghotilo.

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Kings 11:9

Lord, nodi God naikno di Israel igne, neke phei fata meihi ka mae Solomon, eghuteuna mana neke cheke faheta ka mana mala thosei pogho soru ka keha god delei. Nu mae Solomon ne theome leghuni cheke igne ne figri tagruni Lord. Aonu Lord ne thono diꞌatagna fara ka mana.

Ululahu Kronikols 10:13

King Sol ne lehe naugna mana ne theome ghatho tahuni Lord, eghuteuna mana neke theome leghudi nogna cheke mana re. Eghuteuna mana neke theome toreni Lord mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume Lord neke faleheni mana, eghuteuna Lord neke vahini mae Devet thugna Jesi mala king tughuni mana.