Ululahu Samuel 14:50 - Buka Blahi Ka Cheke Holo

⁵⁰ Khetogna mae Sol na, Ahinoam, thugna mae Ahimas. Eghuteuna mae komanda ka nogna armi mana na, mae Abna, thugna mae Na. Mae Na gne nebugna mae Sol.

Ululahu Samuel 14:50 ပူးပေါင်းရင်းမြစ်များ

Fapea Samuel 2:8

Ka narane te lehe mae Sol ka armi gna Filistia igne, mae Abna thugna mae Ner, mae komanda ka nogna armi mae king Sol igne ne hata balugna mae Isboset thugna mae Sol igne ne tei kasa ka khoꞌu Jordan. Mare tei ne au ka namono Mahanaem.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Ululahu Samuel 17:55

Kate filoni mae Sol te tei magra mae Devet te faleheni mae Golia igne, mana ne ghusna ka mae Abna, mae komanda gna nogna armi na, “Abna, thugna mae ihei si mae majaghani ignea?” Mae Abna ne cheke eghu, “Iara cheke kate tutuani fara, iara theome laseni.”

Ululahu Samuel 10:14

Ke leghugna igne, nebugna mae Sol na ne filoni mana balugna nogna mae gloku na, eghuteuna mana ne ghusna eghu ka phiamare, “Ghopa neke mei funu aheva sia?” Eghuteuna mae Sol ne cheke eghu, “Ghepa neke tei hirodi dongki teke dofidi ra, nu kate dofi nomidi re, ghepa neke tei filoni mae Samuel.”

Ululahu Samuel 26:5

Mae Devet tei ne filoni thofno vido te thuru teu mae Sol ghe mae Abna thugna mae Ner, nogna komanda mae Sol igne. Mae Devet ne filodi phiamare te thuru teu farihoteidi hatimare mae soldia.

Ululahu Kronikols 26:28

Mae Selomot nei hatimare thabusigna ne fiofilodi keha glepo te keli te au ka Sugagna Lord teke lilisei Profet Samuel, King Sol thugna mae Kis, mae Abna thugna mae Ner, nei mae Joab thugna Seruia.

Fapea Samuel 3:6

Kate theome gnafa magra igne fari hoteidi naikno te leghuni king Sol, nei mae te leghuni mae king Devet teu igre, mae Abna ne kaisei nodi lida rheta mae te leghuni mae Sol igre.

Fapea Samuel 3:38

Eghuteuna mae Devet ne cheke eghu ka nogna mae funeire, “Ghotilo laseni kaisei noda mae lida biꞌo tahati la lehe agne Israel.

Ululahu Kronikols 27:21

Mae Ido thugna mae Sekaraea, mana funei ka gaga vikegna mae Manase te au Gilead. Mae Jasiel thugna mae Abna, mana te funei ka vikegna mae Benjamin.