Ululahu Samuel 14:44 - Buka Blahi Ka Cheke Holo

⁴⁴ Aonu king ne cheke eghu ka mana, “Tuani Jonatan, iagho mala lehe! Jame te theome lehe iagho na, iara toreni Lord mala falehe ghau iara!”

Ululahu Samuel 14:44 ပူးပေါင်းရင်းမြစ်များ

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Thoutonu Eigna Rut 1:17

Ka vido aheva te lehe iagho na, iara mala jaola lehe jare mala giugilu balumu iagho ka vido tuana. Eghume, thofno glepo te tutuani na ngala te cheke arini iara ka iagho igne. Theo kaisei glepo te tangomana ni te fota ghita, nu kaisei glehe ngala te tangomana ni te mala fota ghita na eghu. Jame te cheke chaichaghi nogu kolho iara ke ulumu iagho na, God ginauna fate ghau iara.”

Ululahu Samuel 25:22

Igne nogu cheke iara na. Iara ginauna aknu falehe gnafa mae biꞌo nei mae majaghani teu te au ka namonogna mae Nabal. Iara toreni Lord mala falehe ghau iara jame kafe karha teu keha te ghilei hamerane na!”

Proveb 25:16

Jame te filoni iagho jurukuli na, thosei ghamu fara, iagho ginauna luꞌa.

Fapea Samuel 19:13

Eghuteuna mana jaola ne cheke ka phia mare mala tei cheke eghu ka mae Amasa, “Iagho mae thabusigu iara. Iara ginauna vahi nigho iagho mala tughuni mae Joab mala kaisei mae komanda biꞌo ka nogu armi iara gne. Jame te theome eni iara igne na, God ginauna para ghau iara.”

Fapea Samuel 12:31

Eghuteuna mana ne hata naikno gna namono igne mala loku jateula naikno sneka eghu ka thua nafnata gloku fateote'o. Kehare mala loku ka saw nei nhirama mala kato thaba nei thina, keha ka mare mala horo brik. Mae Devet edi thua nafnata gloku igre ka naikno te au ka namono te gnafa ka kantri Amon. Ke leghudi igre, mae Devet baludi nogna soldiare neke figri Jerusalem.

Fapea Samuel 12:5

Kate nomhini thoutonu igne, mae Devet ne thono diꞌatagna fara ka mae te dedei igne. Aonu mana ne cheke eghu ka mae Natan, “Ka nanghagna Lord, iara cheke kate tutuani fara ka iagho, mae dedei te eni igne nabagna te lehe.

Fapea Samuel 3:9

God ginauna para ghau iara, jame te theome toghoni iara mae Devet te mala hata unha teke nhaꞌa chekehi ka mana na.

Jenesis 38:24

Jame naba thilo nhigra ke leghugna igne, mare ne mei cheke eghu ka mae Juda, “Nanghomu iagho Tama ia la jafrahi ka puhi te diꞌa na ne jateula ngau thau vine neu ne thuru balugna kaisei mae, eghuteuna naꞌa gognaro na la buklahi eghu.” Mae Juda ne cheke faheta eghu fara, “Hata mei gaꞌase tuana mala koko lao ka khaꞌaghi mala lehe na.”

Jajis 11:35

Kate filoni thugna na, Jefta thofno diꞌanagnafa fara ne rerheku nogna pohe na tanhi ne cheke eghu, “Thuguo, iara diꞌanagnafagu fara ka iagho! Puhi igne goigoni ghau iara fara! Naugna iara neke enihi kaisei baubahu ka Lord te theome tangomana iara te lopini!”

Ululahu Samuel 3:17

Eghuteuna mae Eli ne cheke eghu ka mana, “Unha te chekeni Lord ka iagho na? Iagho thosei poruni kaisei cheke ka iara. Jame te pophoru iagho keha cheke ka iara na, God ginauna para nigho iagho.”