Ululahu Samuel 14:41 - Buka Blahi Ka Cheke Holo

⁴¹ Eghuteuna mae Sol tarai ne cheke eghu, “Iagho nodi Lord God mae Israel, iagho cheke tughu fadoglo mei ka iara.” Eghuteuna cheke tughu te mei na, king ghe mae Jonatan te eni na glepo igne, nu mae soldia gre mare doglou kolho.

Ululahu Samuel 14:41 ပူးပေါင်းရင်းမြစ်များ

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Profet Jona 1:7

Mae te loku ka vaka na igre ne cheke eghu fari thedi, “Tahati na lalahu khale mala laseni mae ihei te eni puhi biꞌo te thoke ghita tahati igne.” Aonu, mare soru pari ne lalahu khale. Eghuteuna igne ne soru kolho ka mae Jona.

Proveb 16:33

Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Mae Khuru 1:26

Ke leghugna igne, mare ne lalahu khale, eghuteuna nodi vavahi mare na ne soru ka mae Matas. Aonu mana ne kaisei mae khuru baludi nabotho kaisei mae igre.

Ululahu Samuel 14:40

Aonu mana ne cheke eghu ka mae soldia di Israel re, “Ghotilo kafe tei kegra delei, eghuteuna ghepa mae Jonatan ginauna kegrau agne.” Mare ne cheke eghu, “Keliu kolho.”

Ululahu Samuel 14:42

Eghuteuna mae Sol ne cheke eghu ka mae pris, “Iagho hironi mae ihei ka ghepa te eni glepo te diꞌa igne.” Eghuteuna Lord ne falaseni mae Jonatan.

Proveb 18:18

Jame te theome tangomana kot te fadoglini fapholai farihoteidi phei mae biꞌo igre na, kot tangomana te lalahu khale mala laseni ihei te uluni fate na.