Ululahu Samuel 14:40 - Buka Blahi Ka Cheke Holo

⁴⁰ Aonu mana ne cheke eghu ka mae soldia di Israel re, “Ghotilo kafe tei kegra delei, eghuteuna ghepa mae Jonatan ginauna kegrau agne.” Mare ne cheke eghu, “Keliu kolho.”

Ululahu Samuel 14:40 ပူးပေါင်းရင်းမြစ်များ

Fapea Samuel 15:15

Aonu mare ne cheke eghu ka mana, “King, ghehati tarabana te mala eni unha te chekeni iagho na.”

Ululahu Samuel 14:36

Eghuteuna mana ne cheke eghu ka nogna soldia re, “Bongi na tahati ginauna soru magra ka armigna Filistia ghilei hamerane. Tahati ginauna aknu falehedi, nei mala hata fahui nodi gobigna lepo mare are.” Eghuteuna mare ne cheke eghu, “Keliu kolho. Tahati ginauna eni unha te doglo ka gaoghathomu iagho na.” Nu Pris Ahaeja ne cheke eghu, “Ginau, tahati na kulu hironighu ka God.”

Ululahu Samuel 14:7

Aonu mae majaghani igne ne cheke eghu, “Keliu kolho. Gobigna lepo te magnahaghei eni iagho na, iara na leghuni kolho gaoghathomu iagho na.”

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Ululahu Samuel 14:41

Eghuteuna mae Sol tarai ne cheke eghu, “Iagho nodi Lord God mae Israel, iagho cheke tughu fadoglo mei ka iara.” Eghuteuna cheke tughu te mei na, king ghe mae Jonatan te eni na glepo igne, nu mae soldia gre mare doglou kolho.

Ululahu Samuel 1:23

Mae Elikana ne cheke eghu, “Keliu kolho, leghuni unha te doglo ka gaoghathomu iagho na, au agne ghilei biꞌo sua na. Lord ginauna loku famaku ka nogna nhaꞌa cheke na mala horoghoto ka iagho.” Aonu Hana au neu Rama ne tajini neu thugna na.