Ululahu Samuel 14:24 - Buka Blahi Ka Cheke Holo

²⁴ Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Ululahu Samuel 14:24 ပူးပေါင်းရင်းမြစ်များ

Josua 6:26

Ka narane igne, mae Josua ne cheke faheta eghu fara ka nanghagna Lord, “Jame ihei te fariu riu babana fapulo namono Jeriko igne, Lord ginauna parani mae tuana. Kate fufunu mana gloku igne na, thugna nalhaꞌu ulu lahu mana na ginauna lehe. Eghuteuna kate loku fahui mana grengathagna bara thina igne na, thugna nalhaꞌu leghu lahu mana na ginauna lehe.”

Letas Teke Riso Tei Mae Pol Ka Khiloau Rom 10:2

Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Proveb 11:9

Cheke gna ihei te theome ghatho tahuni God na, goigoni ni mae kheragna na. Nu gaoghatho te keli na, tangomana te fakarhini naikno te doglo na.

Nodi Khoje Hatimare Mae Jiu 18:47

Iagho neke foli fapulodihi puhi te diꞌa teke edi ranghi ghau iara nogu naokara. Eghuteuna lilisei soru kmana naikno ke parigu iara.

Jajis 5:2

“Kilo fnaknoni Lord! “Noda mae mala baubatu tahati ra kegra haghe mala magra, eghuteuna tahati te gnafa na glealeꞌa mala leghudi mare ka magra.

Jajis 1:28

Kate kmana te vuragha naiknodi Israel igre na, mare ne huhurudi naiknodi Kenan igre mala nodi naikno gloku. Nu neubane naiknodi Israel igre kmana, mare theome khi fajifladi naiknodi Kenan igre.

Naba 21:2

Aonu naiknodi Israel re ne eni kaisei nhaꞌa cheke ka Lord, ne cheke eghu, “Jame snakre mei iagho naikno igre ka khamemi ghehati meuna, ghehati ginauna goigonidi namono te gnafa mare re.”

Levitikas 27:29

“Eghuteuna jame ghotilo mala aknu falehe keha mae naugna mana ne huhughuni kaisei vetula, ghotilo theome tangomana te foli fajiflani mana te mala snagla na. Mana mala lehe.

Naba 5:21

uve, Lord ginauna para nigho iagho, eghuteuna naiknore ginauna cheke fadiꞌani nanghamu iagho na. Lord ginauna tibri nigho iagho, eghuteuna iagho ginauna theo sua kate koꞌuni khoꞌu blahi igne te tei lamna ka thiꞌamu iagho na.’ “Aonu gaꞌase na ne cheke eghu, ‘Uve, keliu ngala.’

Ululahu Samuel 14:25

Aonu keha mae ka armi igne mei ka kaisei vido mata ne filodi kmana jurukuli ka vido igne.

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Ululahu Samuel 18:25

Aonu mae Sol ne cheke ka mare mala ke tei cheke eghu ka mae Devet, “Fofoligna gaꞌase igne, king magnahaghei kaisei gobi vido guli ka thinidi hatimare mae soldiadi Filistia gre mala laseni mana te lehe mare ka magra na. Igne mala ke tughu fapulo glepo te diꞌa teke edi mae naokara.” Te ghathoni mae Sol na, ka puhi igne jame te lehe mae Devet ka mae Filistia gre.

Levitikas 5:4

Jame kaisei mae eni kaisei nafnata nhaꞌa cheke te fagoigoli ka nanghagu iara Lord na, nu mana neke theome kulu ghatho fakelini nhaꞌa cheke tuana eigna puhi teke eni mana na. Ke leghu na, mana filo glani glepo teke eni mana tuana. Eghume, neubane keli ba na diꞌa, mana nabagna te papara eigna.