Ululahu Samuel 14:18 - Buka Blahi Ka Cheke Holo

¹⁸ Ka narane igne, armigna Israel na ne pala nogna Bokis Blahi Lord na baludi ne tei ka magra. Mae Sol ne cheke eghu ka Pris Ahaeja, “Hata mei Bokis Blahi ia.”

Ululahu Samuel 14:18 ပူးပေါင်းရင်းမြစ်များ

Fapea Samuel 11:11

Nu mae Uraea ne cheke eghu, “Mae soldiadi Israel nei Juda teura mare au ka magra. Eghuteuna Bokis Blahi ia jaola au baludi mare. Mae Joab nogu mae komanda iara ia jaola au baludi nogna mae biꞌore au kolho ke lamnadi nodi suga tapuale re ke kosigna vido mala magra na. Eghume theome keli jame kaisei iara kolho te tei ka sugagu na te ima, koꞌu nei thuru balugna khetogu na teuna. Tutuani fara, te chekeni iara ka iagho na, iara theome tangomana te eni nafnata puhi igne na!”

Ululahu Samuel 7:1

Aonu maedi Kiriat-Jaerim igre ne tei hata Bokis Blahi igne. Mare ne lilisei ka nogna suga mae Abinadab te au holo ka thogele na. Eghuteuna mare ne taofini mae Eleasa kaisei thugna mae Abinadab, mala reireghini Bokis Blahi igne.

Ululahu Samuel 5:2

Aonu mare tei ne lilisei lamna ka nogna Sugablahi kaisei nodi god mare te kiloi Degon. Mare ne lilisei rhegna mumuju gna Degon teke horo mare ka thina na.

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Ululahu Samuel 14:17

Aonu mae Sol ne cheke eghu ka nogna soldia re, “Ghotilo tei kaha noda soldia ra, mala laseni ihei te theome au agne na.” Eghuteuna kate kaha mare na, mare laseni mae Jonatan balugna nogna mae soldia majaghani te mala pala nogna glepo mala magra re theome au jare.

Ululahu Samuel 14:36

Eghuteuna mana ne cheke eghu ka nogna soldia re, “Bongi na tahati ginauna soru magra ka armigna Filistia ghilei hamerane. Tahati ginauna aknu falehedi, nei mala hata fahui nodi gobigna lepo mare are.” Eghuteuna mare ne cheke eghu, “Keliu kolho. Tahati ginauna eni unha te doglo ka gaoghathomu iagho na.” Nu Pris Ahaeja ne cheke eghu, “Ginau, tahati na kulu hironighu ka God.”

Ululahu Samuel 23:9

Nu kate nomhini mae Devet thoutonu eigna mae Sol te magnahaghei faleheni na, mae Devet ne cheke eghu ka mae pris Abiata, “Atha mei efod ia mala tarai ka Lord.”