Ululahu Samuel 14:10 - Buka Blahi Ka Cheke Holo

¹⁰ Nu jame te cheke mare mala haghe tapa ka mare teuna, tapa ginauna tei, naugna tuana kaisei fagaglana te eni Lord ka tapa te mala uludi mare na.”

Ululahu Samuel 14:10 ပူးပေါင်းရင်းမြစ်များ

Jenesis 24:14

Iara ginauna na cheke eghu ka kaisei gaꞌase majaghani na, ‘Fasoru nou botol khoꞌu na mala koꞌu iara katha vido khoꞌu.’ Aonu naꞌa ginauna na cheke eghu, ‘Koꞌu sagho, eghuteuna iara ginauna na jaola fakokhoꞌu nou kamel iagho gre eghu.’ Jame gaꞌase te eghu igne ngala te malagna nou mae gloku iagho Isak na. Uve, jame eghu tutuani glepo igre meuna, iara ginauna na lase nigho iagho te thofno kheragna fofodu nogu mae funei iara gne, ne magnahaghei toghoni mana.”

Ululahu Samuel 10:7

Kate thoke nigho iagho glepo igre, iagho ginauna tangomana te edi unha teke ghathodi iagho re naugna Lord na au balumu iagho.

Jajis 7:11

Eghuteuna kate nomhini iagho unha te chekeni keha soldia di Midian igre, gaoghathomu iagho na ginauna frane te mala uludi mare na.” Aonu Gidion ghe Pura phiamare soru ne poru rhegna suga mala toetoe armigna Midian.

Jajis 6:36

Aonu Gidion ne tarai eghu, “God, iara laseni iagho neke nhaꞌa cheke te mala togho ghau iara te mala fakarhini Israel.

Ululahu Samuel 14:9

Jame te cheke mare mala ofou tapa mala soru mei mare filo ghita teuna, tapa ginauna ofou.

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Fapea Kings 20:9

Isaia ne cheke eghu ka king, “Lord ginauna eni kaisei fagaglana ka iagho, mala laseni iagho mana te tajini nogna nhaꞌa cheke na. Ba, iagho magnahaghei te filoni naungo na te tugha faꞌulu nabotho nathapla, eghuteuna ke tugha faleghu keha nabotho nathapla re teuna?”