Ululahu Samuel 14:1 - Buka Blahi Ka Cheke Holo

^1-3 Ka narane tuana, King Sol tei ne horo haghe nogna suga tapuale na rhegna pesi gaju jare Migron, theome khaba kolho Gibea. Eghuteuna namno gobi soldia au balugna mana ka narane igne. Eghuteuna kaisei mae pris te au balugna mana na, nanghagna na mae Ahaeja, thugna mae Ahitub, thabusigna mae Ikabod. Kmadi mae Ahitub ghe mae Ikabod gre na, mae Finehas, thugna mae Eli, nogna pris Lord, mana neke au Saelo tifa. Pris Ahaeja ne hata balugna efod blahi na mala lasedi nogna cheke tughu Lord re. Kaisei narane, mae Jonatan ne cheke eghu ka mae soldia te mala pala nogna glepo mala magra mana re, mana ne cheke eghu, “Tapa ginauna tei filodi soldia di Filistia te fanagra ka nabrou te mala tei Mikmas ia.” Nu mae Jonatan neke theome facheke ka mae kmagna na, eghuteuna mae soldia re jaola theome laseni te tei mana na.

Ululahu Samuel 14:1 ပူးပေါင်းရင်းမြစ်များ

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Ululahu Samuel 25:19

Naꞌa ne cheke eghu ka nogna mae glokure, “Ghotilo kulu ari, iara ginauna ari ke leghumi ghotilo.” Nu naꞌa ne theome facheke ka khetogna na.

Ululahu Samuel 13:22

Naugna ka puhi igre te theo nodi naflahi nei jata eghu te mala magra mae Israel gre. Mae Sol ghe mae Jonatan kolho te au nodi glepo mala magra na.

Ululahu Samuel 13:2

eghuteuna mana neke vavahi thilo thogha mae ka nogna armi na, eghuteuna mana neke kuru fapulodi kehare ka namono. Mana neke vavahi phei thogha soldia kolho te mala au balugna ka namono Mikmas, nei ka thogele Betel, eghuteuna kuru tei kaisei thogha soldia balugna mae Jonatan, mae thugna na Gibea ka nohi Benjamin.

Jajis 14:6

Nu Tharunga gna Lord na ne soru mei ka mana ne farhetani fara mana, eghuteuna mana tei ne aknu falehe lion igne, eghuteuna mana ne kina sasakani thinigna lion igne ka khamegna na kolho. Mae Samson ne aknu falehe lion igne jateula mae Samson te aknu falehe sua nanigot ra eghu kolho. Nu mana theome chekeni glepo igne ka idogna ghe kmagna gre.

Jajis 6:27

Aonu Gidion ne vahidi nabotho mae gloku mala toghoni mana leghuni unha teke chekeni Lord. Nu mare ne theome eni glepo igne narane ro, nu mare tei ne eni kolho bongiro, naugna mana mhaghudi fara tharaknagna na, nei naikno ka namono na.

Ululahu Samuel 13:23

Aonu kaisei nodi tothoghei soldia mae Filistia gre ne tugha tei ka vido aheva nabrou te tei farihotei thogele di Mikmas.

Jajis 14:9

Mana hata keha ghamu ne tei. Eghuteuna kate mei posa ka idogna kmagna gre ka nabrou na, mana ne tufa keha ka repa, nu mana ne theome toutonu ka repa aheva teke hata fajifla mana ka thinigna lion te lehe igne.