Ululahu Samuel 13:5 - Buka Blahi Ka Cheke Holo

⁵ Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.

Ululahu Samuel 13:5 ပူးပေါင်းရင်းမြစ်များ

Ululahu Samuel 14:23

ne aknu falehedi, magra igne ne ghilei tei salaꞌu ka namono Bet-Aven. Ka narane tuana, Lord ne thofno toghoni armigna Israel ne uluni magra igne.

Josua 11:4

Hatimare mae king igre nomhini nogna cheke mana igne ne mei balu nodi mae nheta. Nodi armi mae igre kmana fara jateula nusu ka gratha na are eghu mei balu nodi hose nei chariot.

Josua 18:12

Fofotagna rijon igne funu ka Khoꞌu biꞌo Jordan, eghuteuna tei kasa ka keha phile na ke holo thogele ke raru Jeriko, eghuteuna ke figri tei ke holo ka thogele rijon ke mosu tei posani namono nagou Bet-Aven.

Profet Hosia 10:5

Buluka gol te au ka namono Betel igne ginauna diꞌa, eghuteuna naikno te au ka namono biꞌo Samaria na igre ginauna mhaghu nodi nei diꞌanagnafa eghu ka buluka igne. Naikno te gnafa baludi mae pris igre ginauna tanhi nei diꞌanagnafa eghu eigna mumuju buluka igne. Naugna mae Asiria igre ginauna hata koko gol teke au ka thinigna mumuju buluka igne.

Profet Hosia 5:8

Lord ne cheke eghu, “Ghotilo maemi ka namono Gibea, Rama, Betel, nei Benjamin teura, ghotilo kufli mala tarabana tei ka magra.

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Profet Jeremaea 15:8

Kmana mae soldia ginauna lehe ka magra, eghuteuna khetodi mae soldia igre na fiti au kolho. Eghuteuna gaꞌase te lehe khetodire igre ginauna kmana fara salaꞌudi nusu ka glilihi na are. Fari hotei narane, iara ginauna kurudi mae naoka mala mei aknu falehe hui hatimare mae soldia ka kantri Juda, eghuteuna idodi mae igre ginauna diꞌanagnafa fara balu mhaghu.

Profet Isaia 48:19

Eghuteuna jame te leghu ghau iara ghotilo na, thumi ghotilore ginauna kmana fara jateula nusu ka grathara eghu. Iara ginauna reireghi fakelidi, eghuteuna nanghadire na theome gnafa ka nauthoglu igne.”

Jajis 7:12

Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Josua 7:2

Kate au teu mare Jeriko igne, mae Josua ne kurudi keha mae mala tei poru mala filoni namono Ai. Namono igne au ka kaisei thogele ke maghati Betel rhegna namono Bet-aven. Kate filoni namono igne,

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Ululahu Samuel 7:13

Aonu Lord ne toghodi soldia di Israel ne tapla faparini armigna Filistia, eghuteuna armi gna Filistia igne neke theome pulo mei magra ke lamnagna kantri Israel ka narane te kegra funei mae Samuel igre.

Ululahu Samuel 13:2

eghuteuna mana neke vavahi thilo thogha mae ka nogna armi na, eghuteuna mana neke kuru fapulodi kehare ka namono. Mana neke vavahi phei thogha soldia kolho te mala au balugna ka namono Mikmas, nei ka thogele Betel, eghuteuna kuru tei kaisei thogha soldia balugna mae Jonatan, mae thugna na Gibea ka nohi Benjamin.

Ululahu Samuel 13:11

nu mae Samuel ne cheke eghu ka mae Sol, “Naugna unha sagho te eni glepo ignea?” Mae Sol ne cheke eghu ka mana, “Iara la filodi mae soldia gre la funu rikha ghau iara, eghuteuna iagho theome mei ka narane teke nhaꞌa chekeni iagho ia. Eghuteuna mae soldia di Filistia gre la haghe auhi ka namono Mikmas.

Ululahu Samuel 17:1

Kaisei fata, armi gna Filistia tarabana mala mei magra ka naiknodi Israel, mare haghe ne loku fodu Soko, kaisei namono ka nohi Juda. Mare mei ne au fari hoteidi phei namono Soko ghe Aseka ka vido te kiloni mare Efes-Damin.

Fapea Samuel 17:11

“Eghume igne gaoghathogu iara na. Iagho ginauna kilo fodudi mae soldia te gnafa Israel ra, funu ke raru Dan tei posa ke mata Bereseba. Eghuteuna mare ginauna kmana fara jateula nusu ka gratha na are eghu. Aonu iagho kolho te batudi mare te tei ka magra na.

Ululahu Kings 20:27

King Ehab jaola ne kiloni nogna armi na, eghuteuna mare ne tarabana nodi gobigna lepore mala tei magra ka armi gna Siria. Aonu mare tei ne au rhegna vido te au teu armi gna Siria igne. Eghuteuna armi gna Israel na ne tei namo ka armigna Siria. Eghuteuna armi gna Israel na ikoi fara jateula phei tothoghei nanigot eghu kolho. Nu armi gna Siria igne fodu fara ka vido te gnafa ke kosi namono Afek.

Profet Isaia 10:28

Ka narane igne, mae naokare ginauna mei ka namono Aeat, eghuteuna mare ginauna salaꞌu tei ka namono Migron mala lilisei nodi gobigna lepo te tahu re ka namono Mikmas.

Ululahu Samuel 14:52

Leuleghu fata ka nakarhagna King Sol na, mana lase magra heta fara ka naiknodi Filistia. Eghume kate filoni mana kaisei mae te nheta nei theome mhaghu teuna, mana hata mei mala loku fodu ka nogna soldia re.