Ululahu Samuel 13:4 - Buka Blahi Ka Cheke Holo

⁴ Aonu mae soldia igre ne toutonu eigna mae Sol balugna nogna armi na teke aknu falehe armi gna Filistia teke au teku ka namono Gibea. Eghuteuna mare jaola neke toutonu eidi naiknodi Filistia te theome magnahaghedi naiknodi Israel gre. Eghuteuna mare chekeni te maedi Filistia gre mala leghuni nogna cheke King Sol na mala mei loku fodu ka namono Gilgal.

Ululahu Samuel 13:4 ပူးပေါင်းရင်းမြစ်များ

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Eksodas 5:21

Aonu mae greireghi igre ne cheke eghu ka Moses ghe Eron, “Snakreni Lord mala para ghami ghopa eidi glepo te edi ghopa igre. Ghopa eni king nei nogna funei mana igre mala theome magnahaghei ghami ghehati jateula mae ihei te theome magnahagheni glepo te siri diꞌagna fara ia neu. Ghopa ei puhi ranghidi mare mala falehe ghami ghehati!”

Profet Sekaraea 11:8

Keha thilo mae sipu mala reireghi sipu te loku fodu ghehati igre theome magnahaghei ghau iara, thilo mare theome keli ranghi ghau iara ghilei babaꞌo iara ka thilo mare. Naugna igne, ke lamnagna kaisei nhigra iara ngholhi fajifladi thilo mare.

Ululahu Samuel 10:8

“Eghuteuna iagho ginauna mala tei ofo ghau iara Gilgal. Iagho mala ofo fitu narane ghilei mei iara jare. Aonu iara ngala nate tusu ranghini Lord u fafara te thofno krono fara na, fafara igne mala laseni te au tahati kau pharikeli balugna Lord. Eghuteuna ka narane igne, iara ginauna cheke ranghi nigho iagho gobigna lepo nate edi iagho ginau re.”

Josua 5:9

Lord ne cheke eghu ka mae Josua, “Gognarona, iara na hata fadelei mamaja teke au ka ghotilo funu ka narane teke au sneka ghotilo Ijep tifa ia.” Naugna igne, mare kiloni namono igne Gilgal, gaoghathogna na, “Hata fajifla,” eghuteuna nangha igne au ngala ghilei mei posa ka narane gognarogne.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.

Ululahu Samuel 27:12

Aonu mae Akis ne fatutuani ni mae Devet ne cheke eghu, “Mae Devet gne maegna Israel, nu nogna naikno manare jame tirodini mana gognarona. Eghume, mana ginauna mala loku ranghi ghau iara fabrahu.”