Ululahu Samuel 12:8 - Buka Blahi Ka Cheke Holo

⁸ “Tifa na, kuꞌeda Jekop balu tharaknagna neke tei au Ijep. Ke leghu na, naikno di Ijep re neke fakokhoana di kuꞌeda teke karha mei ka tharaknagna mana ra. Aonu mare neke tanhi lao ka Lord mala toghodi, eghuteuna mana neke kurudi mae Moses ghe mae Eron mala tei hata fajifladi Ijep. Phiamare batudi mare neke ghilei mei au ka namono igne.

Ululahu Samuel 12:8 ပူးပေါင်းရင်းမြစ်များ

Mae Khuru 7:15

Eghuteuna mae Jekop na soru ne au jare Ijep. Kate lehe mana jare baludi mae thugnare,

Nodi Khoje Hatimare Mae Jiu 105:44

Mana ne snakre lao nodi glose keha naiknore ka nogna naikno thegnare, nei mare jaola hata maladi thedi nagare re.

Ululahu Samuel 12:6

Mae Samuel ne cheke eghu, “Eigna Lord ngala teke vahidi mae Moses ghe mae Eron teke batu fajifladi kuꞌeda tahati Ijep tifa ra.”

Ululahu Samuel 10:18

Mae Samuel ne cheke eghu ka mare, “Lord noda God tahati maeda Israel, mana ne cheke eghu: kani au teku kuꞌemi ghotilo Ijep tifa ra, iara neke fakarhidi mare. Iara neke atha fajifladi mare ka nodi nolaghi naiknodi Ijep, nei ka nodi nolaghi keha naikno teke jaola teke gonidi mare ra.

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Naba 20:15

Eghuteuna ghotilo jaola lasedi kuꞌemi ghehati teke tei au Ijep tifa ra. Ghehati neke au jare kmana finogha eghuteuna ghotilo jaola lasedi eidi mae Ijep teke goigoni ghami ghehati.

Eksodas 12:51

Ka narane igne Lord neke batudi mae Israel gre ka tothoghei leghui vike na ne jifla Ijep.

Eksodas 6:26

Eron ghe Moses igre Lord neke cheke eghu ka phiamare, “Ghopa mala batudi naiknodi Israel igre mala jifla agne Ijep.”

Josua 21:43

Aonu Lord neke tusu lao glose ka vikegna Israel. Igre glose teke nhaꞌa cheke mana ka kuꞌedi mare tifa ra. Eghuteuna kate khotodi mare glose igre, mare ne ei nodi namono tadi.