Ululahu Samuel 12:3 - Buka Blahi Ka Cheke Holo

³ Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”

Ululahu Samuel 12:3 ပူးပေါင်းရင်းမြစ်များ

Mae Khuru 20:33

Tutuani, kate au balumi ghotilo na, iara neke theome mamagnani nogna sileni ba nogna pohe ihei na.

Naba 16:15

Moses ne thono diꞌatagna fara ne cheke eghu ka Lord, “Ne fafara age nga mare nu, those atha fafara tuare eghu! Iara theome eni kaisei glepo te diꞌa ka mare! Neubane glepo ikoi kolho jateula dongki neu, iara theome ke atha ngala!”

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Ululahu Samuel 24:6

Mana ne cheke faꞌikoi eghu ka mae te tei balugna re, “Lisa lao ka Lord, iara theome tangomana te eni kaisei puhi te diꞌa ka nogu funei na, eigna Lord neke vahini mana.”

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Ululahu Tesalonika 2:10

Kate au balumi ghotilo naikno khiloau re, ghotilo theome filoni kaisei najafra ba kaisei puhi biꞌo ka ghehati naugna ghehati nakarhami na doglo fara ke ulugna God. Ghotilo themi laseni igne. God thegna jaola laseni unha teke eni ghehati ka ghotilo na thofno klino fara.

Ululahu Samuel 12:5

Aonu, mae Samuel ne cheke eghu, “Lord balugna king teke vavahi mana igne, phiamare la nomhidihi nomi cheke ghotilo re gognarogne, eigna ghotilo chekeni teke theome eni iara kaisei najafra na.” Eghuteuna mare ne cheke eghu, “Uve, Lord ngala te laseni na.”

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Eksodas 23:8

“Iagho thosei atha sileni ka ihei te magnahaghei nigho iagho te mala cheke chaichaghi ka fate na, naugna sileni igne ginau na fadofu nigho iagho mala theome filo glani iagho unha te doglo na. Nafnata sileni igne mala cheke chaichaghi ngala naikno te keli na.

Ululahu Tesalonika 2:5

Ghotilo laseni igne, ghehati theome cheke famaemahe mala hata ghami ghotilo, ba saosagro mala hata sileni ka ghotilo. Theo. Ghehati theome poruni khiri na ka ghotilo, God laseni igne tutuani fara.

Eksodas 20:17

“Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Matiu 22:21

Mare ne cheke eghu ka mana, “Sisa.” Mae Jisas ne cheke eghu ka mare, “Uve, tusu fapulo ka mae Sisa unha teke nogna mae Sisa na, eghuteuna ke tusu fapulo ka God unha teke nogna God na eghu.”

Levitikas 6:4

eghuteuna mana nabagna te papara eigna igne. Mae tuana mala ke tusu fapulo gobigna lepo teke atha mana ka puhi te diꞌa igre, eghuteuna mana mala ke nhaꞌa lao kaisei ke klignadi glima sileni ka praesdi glepo igre.

Fapea Korin 12:14

Iara gognaro na tarabana mala fatilo ari sigho ghami ghotilo, nu iara na theome toreni kaisei glepo ka ghotilo. Naugna iara magnahaghe ghami kolho ghotilo. Ghotilo laseni, goro suare theome tangomana te mala reireghi idodi nei kmadi teure, nu idodi nei kmadi teure te mala reireghi thudire.

Ululahu Samuel 2:35

Iara ginauna na vavahi kaisei mae pris, mae ihei nate ghatho tahu ghau iara na, eghuteuna mana ginauna na tangomana nate edi unha te magnahaghedi iara re. Iara ginauna fablahini mana mala au kmana thugna. Eghuteuna mae ka tharaknagna mana igre ginauna mala pris fabrahu, eghuteuna mala toghoni mae ihei nate vahini iara te mala mae king na.

Ululahu Samuel 12:4

Aonu naiknore ne cheke eghu, “Theo, iagho neke theome chaghi ghami, neke theome goigoni ghami, nei neke theome hata kaisei glepo ka ghehati neku.”

Proveb 15:27

Mae te khiri na atha mei puhi biꞌo ka thabuknagna na. Nu mae te tirogna fanomho ka ihei te mei cheke famaemaheni mana mala atha glepo ka mana teuna, mana ginauna karha.

Ululahu Samuel 24:7

Aonu mana figri gaoghathodi nogna soldiare mala thosei tei aknu falehe mare. Aonu mae Sol jifla ka gluma igne ne tei.

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Ululahu Samuel 26:9

Nu mae Devet ne cheke faꞌikoi eghu ka mana, “Theo, iagho thosei faleheni mana! Eigna God ginauna parani ihei te faleheni king teke vavahi mana na.

Ululahu Samuel 26:11

Iara theome magnahaghei te faleheni mae king teke vavahi God na. Tapa na atha nogna goru nei ghegna botol khoꞌu teu mana igre kolho mala tei baluda.”

Fapea Samuel 22:22

Leuleghu fata na, iara leghuni koba puhigna Lord eghuteuna iara theome tei fajafra ka mana.

Nehemaea 5:11

Thobi nei nagare grep, nei nagare oliv, nei suga eghu teke hata ghotilo ka mare ra, gognarona ghotilo ke tusu fapulo ka mare. Eghuteuna ghotilo jaola ke tusu fapulo sileni teke hata ghotilo ra balu intres, neuba ghotilo ne hata sileni ba gano, ba waen, ba oliv oel.”

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.