Ululahu Samuel 12:21 - Buka Blahi Ka Cheke Holo

²¹ Ghotilo thosei tufru soru ka mumujudi god te chaichaghi are. Naugna god tuare theo nafudi kolho! Eghuteuna reꞌe theome tangomana te togho ghami nei fakarhi ghami teu ghotilo na!

Ululahu Samuel 12:21 ပူးပေါင်းရင်းမြစ်များ

Profet Habaku 2:18

Theo kaisei glepo te keli nate togho ghami ghotilo ka mumuju god te tarai ghotilo tadi teke sari kolho ka gaju ba thina igre. Thono theo fara. Mumuju igre chaichaghi ghami ghotilo. Ihei te sari mumuju igre, mana fatutuanidi kolho glepo teke sari thegna re. Nu mumuju igre theome tangomana te cheke na!

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Jeremaea 10:15

Mumuju igre theo nafudi kolho, eghuteuna naiknore fameomekro fahaehaghedi glepo igre. Ka narane fate na, God ginauna roꞌe fahui glepo igre.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Diutronomi 11:16

“Nu filo fakeli ghami eghu, glahu chaghi ghami keha mae mala figri tagruni Lord, eghuteuna loku ranghidi nei pogho sorudi eghu keha god delei.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Profet Jona 2:8

“Iheire te loku maku ka mumuju igre, naikno igre theome ghatho tahu nigho iagho.

Profet Jeremaea 2:13

Naugna nogu naikno iara igre ne edi phei najafra te thono diꞌa fara igre. Naikno igre figri tagru ghau iara. Iara jateula glokha te fura haghe te mala koꞌu te karha naiknora eghu, nu mare tei koko ghau iara. Eghuteuna, mare leghudi god teke sari thedire. Uve, god igre jateula baket teke horo kolho naikno, nu phosa me theo kaisei khoꞌu tagna teura eghu kolho.

Profet Isaia 46:7

Mare hata mumuju igne ne fakegra haghe ka kaisei vido mala au fabrahu jare, naugna mumuju igne theome tangomana te nolo tafri thegna na. Nu ihei te tarai ka mumuju igne na, mumuju igne ginauna theome tangomana nate nomhini mana na, nei jaola theome tangomana nate toghoni mana ka narane te thoke mei puhi biꞌo na.

Profet Isaia 45:20

Lord neke cheke eghu, “Ghotilo te gnafa ka keha kantri te au karha nga teu ra, ghotilo kafe mei mala fate ke ulugu iara! Keha naiknore pala tafri nodi mumuju teke horo kolho ka gaju re. Eghuteuna mumuju god te tarai mare tadi igre theo kaisei nodi nolaghi te mala fakarhidi mare na. Nafnata naikno igre theome laseni kolho kaisei glepo.

Profet Jeremaea 10:8

Naiknore fameomekro nei theome lalase eghu. Mare theome tangomana te athini kaisei glalase ka mumuju teke hohoro ka gaju na.

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Profet Isaia 41:29

God igre theo nafudi kolho, nei theome tangomana te eni kaisei glepo na. God chaichaghi igre khogla thotoghale kolho, eghuteuna god igre theo kaisei nodi nolaghi.”

Diutronomi 32:21

Iara goghotu ka ghotilo, naugna ghotilo ne pogho soru ka god te theo nafudi kolho are. Iara diꞌatagu fara ka ghotilo, naugna ghotilo ne magnahagheidi mumuju blahi te theo nafudi are. Eghume iara ginauna chekedi naikno te theo nafudi kolho are mala famamaja ghami ghotilo. Eghuteuna iara ginauna eni igne mala diꞌatami ghotilo ka iheire te theo tadi kaisei gaoghatho te keli.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Diutronomi 30:17

“Nu jame te figri tagru ghotilo te tiromi fanomho, eghuteuna tei tarai ka keha god delei teuna,

Fapea Kings 17:15

Mare tirodi leghudi nogna farirhiu mana re, eghuteuna mare tirodi tajini u nhaꞌa cheke teke eni mana ka mae kuꞌedi mare tifa ra. Mare theome ghatho branadi nogna cheke mana re. Mare tarai ka mumuju te theo nafudi re, naugna igne, mare jaola theo nafudi. Neuba Lord ne cheke ranghidi mala thosei leghudi puhidi naikno te au faligohodiare neu, nu mare edi ngala glepo mala thosei edi teku Lord re.

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”