Ululahu Samuel 12:20 - Buka Blahi Ka Cheke Holo

²⁰ Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.

Ululahu Samuel 12:20 ပူးပေါင်းရင်းမြစ်များ

Diutronomi 11:16

“Nu filo fakeli ghami eghu, glahu chaghi ghami keha mae mala figri tagruni Lord, eghuteuna loku ranghidi nei pogho sorudi eghu keha god delei.

Ululahu Pita 3:16

Nu ghotilo blaknoi famane cheke tughu balu ghaoghatho fakeli. Eghuteuna ghotilo mala doglo nei keli eghu nagnafami fabrahu. Naugna igne, naikno teke cheke fadiꞌa ghami ghotilo eigna unha te leghuni ghotilo mae Kraes na, mare ginauna na mamaja nodi fara.

Profet Jeremaea 3:1

Lord ne cheke eghu, “Jame kaisei mae koko khetogna na, eghuteuna gaꞌase te koko mana igne ke tei tolaghi ka keha mae delei ngau. Ba, mae igne na faꞌunha? Mae igne tangomana na teke atha fapulo gaꞌase igne? Theo, naugna jame te eghu na, mana ginauna goigoni glose igne ka tathagu iara na. Nu ghotilo te tei koko ghau iara igne, ghotilo jateula gaꞌase vine te tei eni puhi te diꞌa na ka keha maei ra eghu. Eghume faꞌunha eghu jame teke pulo mei ghotilo ka iara na?

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Nodi Khoje Hatimare Mae Jiu 40:4

Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.

Josua 23:6

“Eghume, ghotilo mala famane leghudi gobigna lepo teke rioriso Moses ka Buka Vetula ra.

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.

Eksodas 32:30

Ka fapea narane na, Moses ne cheke eghu ka naiknore, “Tore! Nakhibo te eni ghotilo igne thono diꞌa fara! Gognarogne iara nake pulo ke haghe ka thogele gno mala ke cheke balugna Lord. Glahu tangomana iara te eni kaisei puhi te mala atha koko nakhibomi ghotilo re.”

Ululahu Samuel 12:19

Mare ne cheke eghu ka mana, “Iagho tarai ka Lord nou God mala theome lehe ghehati. Gognarona ghehati laseni teke edi ghehati kmana glepo te diꞌa ra nu te diꞌa fara na teke toreni ghehati kaisei king ia.”

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Profet Hagae 2:5

Ka narane teke jifla kokoni mae kuꞌemi ghotilo re namono Ijep tifa ia, iara neke eni kaisei nhaꞌa cheke mala au fabrahu balumi ghotilo ghilei thoke gognaro gne. Tharungagu iara na au balumi ghotilo. Tuana me thosei mhaghu ghotilo eghu.”