Ululahu Samuel 12:2 - Buka Blahi Ka Cheke Holo

² Eghuteuna gognarona, mana au balumi ghotilo mala batu ghami ghotilo. Nu ghotilo laseni! Iara la kuekuꞌehi. Khaklagu re la nufahi, eghuteuna phei mae thugu re la mae biꞌohi. Iara batu ghami ghotilo funu mae majaghanigu la ghilei mei posa ka narane gognarogne.

Ululahu Samuel 12:2 ပူးပေါင်းရင်းမြစ်များ

Ululahu Samuel 8:5

Eghuteuna mare tei ne cheke eghu ka mana, “Iagho gognarona la kuekuꞌe farahi, eghuteuna phei mae thumu iagho igre theome leghudi kolho puhimu iagho te keli gre eghu. Naugna igne, ghehati magnahaghei nigho iagho te vahini kaisei nomi king, mala funei fruni ghami jateula keha kantri te au nodi king are eghu.”

Ululahu Samuel 8:20

Ghehati magnahagheni kantri tahati igne te jateula keha kantri are eghu. King igne tangomana te batu ghita ka magra na.”

Ululahu Samuel 8:1

Kate kuekuꞌe fara na, mae Samuel ne vahidi phei mae thugna re mala funei Israel.

Ululahu Samuel 8:3

Nu phiamare theome leghuni puhigna mae kmadi na. Phiamare magnahaghei te hata seleni kolho. Eghume bligi ranghini ihei te famaemahedi phiamare te mala fate ka puhi te theome doglo na.

Naba 27:17

Mala nu kulu ulu mana me batu fajifladi ba ke pulo mei eghu, jateula mae ihei te batudi mare ka magra ra eghu. Na eghunu fiti au tafri nou naikno iagho gre jateula sipu te theo ihei nga reireghidira eghu.”

Fapea Pita 1:14

Naugna iara laseni nakarhagu ka nauthoglu gne theome au raugha. Noda Lord Jisas Kraes neke chekeni igne ka iara.

Fapea Timoti 4:6

Iara chekeni igne, naugna gognaro na la thoke meihi nogu narane te mala jifla kokoni iara nakarha igne. Nakarhagu iara na jateula u waen te tofa mare ke kligna olta te mala fafara ka God gognaro gne eghu.

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Ululahu Samuel 3:16

Eghuteuna mae Eli ne kiloni mana ne cheke eghu, “Thuguo Samuel, mei sagho!” Aonu mae Samuel ne cheke eghu, “Uve, iara au teu ao!”

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Ululahu Samuel 2:29

Naugna unha si ghotilo te theome ghatho tahudi fafara te edi naiknore ka iara igrea? Naugna unha sagho te ghatho tahudi phei mae thumu igre ke tulaogu iarai gnea? Tuana unha te eni iagho kate snakredi phei mae thumu gre tela blokha fara are, naugna phiamare ne hata fajifla vido nafnahi te keli re ka nodi fafara naiknore.

Ululahu Samuel 2:22

Ka narane igre, mae Eli gne la kuekuꞌe fara, eghuteuna leuleghu fata na mana nomhidi thoutonu eidi unha te edi phei mae thugna re ka naiknore, nei puhi te thuru fodu phiamare baludi goro gaꞌase te loku ka grengathagna nogna Sugablahi Lord na.

Ululahu Samuel 3:10

Eghuteuna ke leghugna igne, Lord neke pulo mei neke kegra ka vido igne neke kiloni mana jateula teke ululahu ia neu ne cheke eghu, “Samuel, Samuel.” Eghuteuna mae Samuel ne cheke eghu, “Cheke mei sagho Lord, iara nou mae gloku iagho, iara fanomho kobau ka iagho.”

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Josua 23:2

Aonu kaisei narane Josua ne kilo fodudi mae biꞌodi Israel, nei mae komanda te gnafa, nei mae mala baubatu te gnafa, nei mae funei te gnafa. Mana ne cheke eghu ka mare, “Gognarona, iara la kuekuꞌe farahi.