Ululahu Samuel 12:19 - Buka Blahi Ka Cheke Holo

¹⁹ Mare ne cheke eghu ka mana, “Iagho tarai ka Lord nou God mala theome lehe ghehati. Gognarona ghehati laseni teke edi ghehati kmana glepo te diꞌa ra nu te diꞌa fara na teke toreni ghehati kaisei king ia.”

Ululahu Samuel 12:19 ပူးပေါင်းရင်းမြစ်များ

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”

Jemes 5:15

Te tarai ghotilo balu fatutuani na God ginauna na fakelini naikno te fogra tuana nei mana hata fadelei nakhibo jame teke edi mana re.

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Profet Malakai 1:9

“Ghotilo mae pris gre cheke eghu koba, ‘Tahati tore ka God mala kokhoni ghita nei togho ghita eghu mana!’ Tore, iara tirogu ghami ghotilo. Iara theome kokhoni ghami ghotilo! Naugna ghotilo atha mei ka iara fafara te diꞌa tuare.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Ululahu Samuel 7:8

Aonu mare ne cheke eghu ka mae profet Samuel, “Iagho tarai heta ka Lord, noda God mala fakarhi ghita ka maedi Filistia!”

Ululahu Samuel 7:5

Aonu mae profet Samuel ne fatei cheke igre ka naiknodi Israel, “Ghotilo mei mala salofodu ka namono Mispa. Jare iara ginauna na tarai ka Lord eimi ghotilo.”

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Ululahu Samuel 12:13

Eghume, igne mae king teke magnahagheni ghotilo na. Ghotilo neke tanhi nomi king, eghuteuna Lord na la vahinihi mana te mala nomi king ghotilo na.

Ululahu Samuel 12:17

Ghotilo laseni, narane mala ukli wit ka nagare na, eghuteuna jame te nakhete na, ginauna na goigonidi gano re. Neubane eghu ngau, iara ginauna tarai ka Lord mala kuru mei fila nei nakhete eghu mana. Eghuteuna kate thoke mei phei glepo igre na, ghotilo ginauna filo glani teke eni ghotilo kaisei glepo te diꞌa ka tathagna Lord na kani teke toreni ghotilo kaisei king ia.”

Ululahu Samuel 12:20

Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.

Thoutonu Eigna Mae Job 37:13

Keha fata mana kuru mei nakhete mala faboubothu glose nei fakakhana nogna namha na. Nu mana jaola tangomana te famei glepo igre mala paradi naiknore.

Profet Jeremaea 27:18

Jame te mae profet tutuani mare te toutonuni chekegu iara na, mare nabadi te tarai ka iara Lord mae ihei te au nolaghi fateote'o na, mala fanogradi iara mae naoka tuare mala theome mei atha tei mare Babilonia glepo te au teu ka Sugablahi igne, nei ka suga gna king gna Juda, nei ka keha vido Jerusalem.

Profet Jeremaea 42:2

Mare ne cheke eghu ka mana, “Iagho fanomho ka unha te toreni ghehati igne. Toreni Lord nou God, mala kafe togho ghita tahati gnafa te aunga teu gre. Tifa na tahati neke kmana, nu gognarona tahati la katha bua kolho.

Eksodas 32:30

Ka fapea narane na, Moses ne cheke eghu ka naiknore, “Tore! Nakhibo te eni ghotilo igne thono diꞌa fara! Gognarogne iara nake pulo ke haghe ka thogele gno mala ke cheke balugna Lord. Glahu tangomana iara te eni kaisei puhi te mala atha koko nakhibomi ghotilo re.”

Ululahu Samuel 8:6

Mae Samuel ne theome gleꞌani nodi cheke mare igne, aonu mana ne tarai ka Lord.

Profet Jeremaea 37:3

Kaisei fata, King Sedekaea ne kilodi mae Jehukal, thugna mae Selemaea, ghe mae pris Sefanaea, thugna mae Masea mala tei toreni mae profet Jeremaea. Phei mae igre tei ne cheke eghu ka mana, “King magnahaghei nigho iagho te tarai ka Lord noda God mala togho ghita.”