Ululahu Samuel 12:15 - Buka Blahi Ka Cheke Holo

¹⁵ Nu jame te theome leghuni ghotilo Lord te figri tagruni nogna cheke mana na, mana ginauna figri tagru ghami ghotilo jateula teke figri tagrudi mana kuꞌemi ghotilo tifa ra eghu.

Ululahu Samuel 12:15 ပူးပေါင်းရင်းမြစ်များ

Josua 24:20

Neuba Lord ne thofno keli fara ka tahati, nu jame te tei kokoni ghotilo mana na, eghuteuna jaola me tei leghudi ghotilo keha god are teuna, mana ginauna diꞌatagna ka ghotilo, te eghu na, mana ginauna goigoni fahui ghami ghotilo.”

Profet Isaia 1:20

Nu jame te tiromi leghuni ghotilo nogu cheke iara igne te figri tagru ghau iara na, iara ginauna snakredi mae naokare mala mei falehe ghami ghotilo.” Iara Lord te chekeni igne!

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Ululahu Samuel 12:9

“Nu neuba ngau, mare neke theome ghathoni nodi Lord God na. Aonu mana neke snakreni king gna Moab balu nogna armi na mala magra nei uludi eghu mare. Ke leghu na, mana neke snakreni Sisera balu armi gna Haso na mala mei magra ka mare. Eghuteuna ke leghu na, mana neke snakreni armi gna Filistia na mala uludi mare.

Ululahu Samuel 5:9

Nu kate hata te tei mare ka namono igne na, Lord jaola ne neneidi naiknogna namono tuana, aonu naiknore ne mhaghu nodi fara ne ghilei fagoigoli, naugna mana ne goigonidi mare balu nhuge biꞌo ka thinidi re, neubane mae kuekuꞌe ba me majaghani.

Lamentations 1:18

“Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Diutronomi 31:27

Iara lase ghamihi te patu gama fara ghotilo ranghini Lord. Neuba, kate karha teu te au teu iara balumi ghotilo gognarogne, leuleghu fata na ghotilo figri tagruni Lord. Eghuteuna jame te lehe iara na, iara laseni ghotilo ginauna tangomana nate figri tagruni fara mana na.

Jajis 2:15

Eghuteuna leuleghu fata na nodi soldia maedi Israel igre tei ne magridi nodi naokare, nu mare theome tangomana te uludi kolho mae naoka igre, naugna Lord na theome au baludi mare jateula teke chekenihi mana thegna ia eghu. Naugna igne, maedi Israel ne thofno papara fara.