Ululahu Samuel 12:12 - Buka Blahi Ka Cheke Holo

¹² “Nu kate filoni ghotilo King Nahas gna Amon te namo mei magra baluda tahati na, ghotilo neke theome magnahagheni Lord te mala noda king tahati na, aonu ghotilo neke cheke eghu ka iara, ‘Ghehati magnahaghei kaisei king mala funei fruni ghami.’

Ululahu Samuel 12:12 ပူးပေါင်းရင်းမြစ်များ

Jajis 8:23

Nu mana ne cheke eghu ka mare, “Iara theome naba te funei fruni ghami ghotilo na, eghuteuna thugu iara na jaola theome naba te funei fruni ghami ghotilo na. Lord kolho naba te funei fruni ghita tahati na.”

Ululahu Samuel 10:19

Iara nomi God ghotilo eigna iara neke fakarhi ghami ka puhi biꞌo nei ka narane te ninhigrana. Nu gognarona, ghotilo theome magnahaghei ghau iara, eghuteuna ghotilo magnahagheni fara kaisei king. Eghume, ghotilo mala fofota vikemi nei tharaknami teu gre mala mei ka iara, mala vahini iara nomi king ghotilo na.”

Profet Hosia 13:10

Ghotilo neke tore ghau iara mala tusu ranghi ghami kaisei nomi king mala togho ghami. Nu aheva gne nomi king ghotilo na, ba nomi mae mala baubatu ghotilo na? Mare theome tangomana nate fakarhi ghami ghotilo na!

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.

Nodi Khoje Hatimare Mae Jiu 74:12

God, neubane eghu ngau, iagho funu tifa te mei na neke nomi king ngala ghehati, kmana fata iagho neke fakarhi ghami ghehati.

Ululahu Samuel 8:3

Nu phiamare theome leghuni puhigna mae kmadi na. Phiamare magnahaghei te hata seleni kolho. Eghume bligi ranghini ihei te famaemahedi phiamare te mala fate ka puhi te theome doglo na.

Jajis 9:18

Nu gognarona, ghotilo theome keli ranghini mana nei tharaknagna mana na. Ghotilo neke aknu falehe fitusalei thugna mana ra ke kligna kaisei thina, eghuteuna kaisei iara kolho teke rikha na. Filo si ghotilo! Abimelek igne thugna nogna gaꞌase gloku kmagu iara kolho, nu naugna mana kaisei kherami ghotilo, ghotilo vahini mana mala nomi funei ghotilo.

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Profet Jeremaea 40:11

Naiknodi Juda rikha teke tei ka thilo kantri, Moab, Amon, Idom nei ka keha kantri are langau eghu ne nomhini king gna Babilonia te snakredi naikno te au faleghu teu Juda igre. Mare jaola nomhini king gna Babilonia te vahini mae Gedalaea igne te mala nodi gavana mare na.