Ululahu Samuel 11:7 - Buka Blahi Ka Cheke Holo

⁷ Aonu mana ne hata phei buluka ne vaevahe faꞌikodi. Gnafa teuna, mana ne tusu lao ka nogna mae glokure ne hata ne tei tufa ka vido te gnafa ka kantri igne, ne cheke eghu, “Mae ihei te theome tei ka magra baludi King Sol ghe Profet Samuel ka armigna Amon na, nogna buluka mana re ginauna nghuja jateula igne eghu.” Kate nomhini naiknore igne, mare ne mhaghu nodi fara, glahu paradi Lord ginauna. Aonu mare te gnafa na ne kafe mei loku fodu.

Ululahu Samuel 11:7 ပူးပေါင်းရင်းမြစ်များ

Jajis 19:29

Kate posa ka suga na, mana hata naflahi na ne vahe thinigna gaꞌase tela lehehi igne ne edi nabotho phei vido. Aonu mana ne fatei kaisei vido ka vike te gnafa ka nabotho phei vikegna Israel.

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Fapea Kronikols 17:10

Ka narane te king mae Jehosafat igre, king nei naikno eghu te au ka kantri rhegna Juda igre mhaghu nodi fara ka Lord, aonu mare theome mei magra ka King Jehosafat.

Fapea Kronikols 14:14

Ke leghu, armigna Juda igne ne goigonidi namono te gnafa te au faligohoni Gerara. Naiknogna rijon igne ne mhaghu nodi fara ka Lord, eghuteuna soldia di Juda igre ne tei ka namono te gnafa igre ne hata nodi glepo te keli mare re.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Fapea Kronikols 19:7

Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Profet Isaia 8:13

Iara Lord mae ihei te au nolaghi fateote'o nei thono blahi fara. Iara kolho mae ihei te mala ghatho tahuni, nei mhaghuni teu iagho na.