Ululahu Samuel 11:14 - Buka Blahi Ka Cheke Holo

¹⁴ Aonu mae Samuel ne cheke eghu ka mare, “Tahati na kafe tei Gilgal, mala chekeni te mae Sol ngala noda king tahati na.”

Ululahu Samuel 11:14 ပူးပေါင်းရင်းမြစ်များ

Ululahu Samuel 10:8

“Eghuteuna iagho ginauna mala tei ofo ghau iara Gilgal. Iagho mala ofo fitu narane ghilei mei iara jare. Aonu iara ngala nate tusu ranghini Lord u fafara te thofno krono fara na, fafara igne mala laseni te au tahati kau pharikeli balugna Lord. Eghuteuna ka narane igne, iara ginauna cheke ranghi nigho iagho gobigna lepo nate edi iagho ginau re.”

Ululahu Samuel 7:16

Leuleghu finogha na, mana tei ka thilo namono Betel, Gilgal nei Mispa. Naiknore mei koba ka mana ka thilo namono igre mala cheke fajifladi nei mala fadoglidi eghu mana nodi puhi biꞌo nei magra teure.

Ululahu Samuel 5:3

Hamerane boibongi ka keha narane na, naiknodi Asdod igre tei ka Sugablahi na ne filoni mumuju gna Degon igne ne uka pari. Aonu tathagna nei foflogna teu mumuju igne ne tufru soru pari ka glose na ke ulugna nogna Bokis Blahi Lord na. Mare pala haghe mumuju igne ne lilisei fakeli ka mala au gna na.

Ululahu Samuel 12:1

Aonu Profet Samuel ne cheke eghu ka naiknore, “Gognarona, iara la fablahi nihi nomi king ghotilo ia leghuni unha teke toreni ghotilo ka iara ia.

Fapea Samuel 19:15

Kate pulo mei mae Devet Jerusalem na, naiknodi Juda re ne kafe tei Gilgal mala thafoni mana ka Khoꞌu biꞌo Jordan. Mare toghoni mana ne kasa ka khoꞌu na.

Profet Emos 5:5

Ghotilo thosei tei tarai ka namono biꞌo Bereseba, ba fariuriu tei hiro ghau iara ka namono biꞌo Betel, naugna namono igre ginauna groꞌe ka mae naoka. Ghotilo thosei tei tarai ka namono biꞌo Gilgal, naugna naiknodi Gilgal are ginauna tei sosolo ka namono delei.”