Ululahu Samuel 10:6 - Buka Blahi Ka Cheke Holo

⁶ Eghuteuna Tharunga gna Lord na ginauna mei sagheleghu nigho iagho, eghuteuna iagho ginauna jaola tei baludi mare mala ragi nei koje eghu mala kilo fnaknoni God.

Ululahu Samuel 10:6 ပူးပေါင်းရင်းမြစ်များ

Ululahu Samuel 10:10

Kate posa Gibea mae Sol ghe nogna mae gloku na, kaisei tothoghei profet ne mei thafoni mae Sol. Aonu Tharunga gna God na ne mei ka mae Sol, eghuteuna mae Sol ne tei baludi mae profet igre, mare ne ragi balu koje mala kilo fnaknoni God.

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Jajis 14:6

Nu Tharunga gna Lord na ne soru mei ka mana ne farhetani fara mana, eghuteuna mana tei ne aknu falehe lion igne, eghuteuna mana ne kina sasakani thinigna lion igne ka khamegna na kolho. Mae Samson ne aknu falehe lion igne jateula mae Samson te aknu falehe sua nanigot ra eghu kolho. Nu mana theome chekeni glepo igne ka idogna ghe kmagna gre.

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Naba 11:26

Eghuteuna keha phiamae ka fitusalei mae lida igre neke theome tei ka Suga Thapuale te blahi na. Phiamare au neku kolho ka suga thapuale thedi na. Nu nolaghi gna nogna Tharunga te Blahi Lord na jaola mei ka phiamare, aonu phiamare jaola ne cheke jateula mae profet neu.

Naba 11:29

Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Ululahu Samuel 10:9

Kate jifla mae Sol te tei kokoni mae Samuel na, God ne tughu puhigna mae Sol na mala nhogri mana. Eghuteuna gobigna lepo te chekedi mae Samuel ka mae Sol igre, mana ne filodi ka narane igne.

Ululahu Samuel 19:20

Aonu mana ne kurudi keha mae mala tei lokini mae Devet. Kate tei posa mare ka namono na, mare ne filoni kaisei tothoghei profet. Mae Samuel batudi mae profet igre ne ragi nei koje neu mala kilo fnaknoni God, naugna Tharunga gna God na ne mei ka mare. Tharunga igne jaola ne mei ka mae teke kuru tei mae Sol igre, mare jaola ne ragi nei koje neu mala kilo fnaknoni God.

Jajis 15:14

Kate mei Samson Lehi na, soldia di Filistia igre chari ne mei balu eha fabiꞌo. Ka narane tuana, Tharunga gna Lord na ne mei ka Samson, neke farhetani mana. Mana ne kusu phei gnarho teke haru ka mana igre, jateula mae ihei te lolhopa buburu moja ra neu.

Ululahu Samuel 11:6

Eghuteuna kate nomhini mana igne, Tharunga gna God na ne mei faheta fara ka mana ne diꞌatagna fara.