Ululahu Samuel 10:4 - Buka Blahi Ka Cheke Holo

⁴ Thilo mae igre ginauna cheke fakeli nigho iagho, eghuteuna kaisei mae ka thilo mae igre ginauna tufa phei bret blahi ka iagho. Eghuteuna iagho na hata bret igre.

Ululahu Samuel 10:4 ပူးပေါင်းရင်းမြစ်များ

Jajis 18:15

Glima mae igre ne tei ka nogna suga Maeka na aheva pris ka vikegna Livae te au na, eghuteuna mare tei kegra ka grengatha na ne cheke fakelini Livaet igne.

Ululahu Samuel 10:3

“Eghuteuna kate jifla iagho ka vido igne te tei thoke Tekoa ka gaju blahi na, iagho na filoni kaisei fagaglana. Eghuteuna iagho ginauna thafodi thilo mae te tei fafara God Betel. Kaisei mae na korho thilo sua nanigot, keha mae na hata thilo bret blahi balugna, eghuteuna fatilo mae na pala kaisei duku guli nanigot te fodu ka waen.

Ululahu Samuel 10:5

“Eghuteuna ke leghugna igne, iagho ginauna tei posa Gibea rhegna vido blahi aheva te au teu tagna mae soldia di Filistia. Kate tei namo ka namono tuana, iagho ginauna thafoni kaisei tothoghei profet te mei funudi ka vido blahi holo ka thogele ro. Keha mae lalahu ka thua nafnata gita, nei lalahu ka belo ikodi, nei ifu ka phoposa, mae igre ginauna tei ke uludi hatimare mae profet. Eghuteuna Tharunga gna God na ginauna mei mala batudi mae profet igre, eghuteuna mare ginauna ragi nei koje eghu mala kilo fnaknoni God.

Ululahu Samuel 16:20

Aonu mae Jesi nomhini igne ne atha keha nanigot majaghani, keha bret nei kaisei duku guli nanigot te fodu ka waen ne luja ka dongki na ne tei balugna mae Devet ka king.