Ululahu Samuel 10:27 - Buka Blahi Ka Cheke Holo

²⁷ Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Ululahu Samuel 10:27 ပူးပေါင်းရင်းမြစ်များ

Diutronomi 13:13

Glahu nomhidi ghotilo keha mae te diꞌa ka keha namono te au ghotilo tadi are batu fadelei ghami ghotilo cheke eghu, ‘Tahati ari mala tarai ka keha god teke theome laseni ghotilo tifa igne.’

Fapea Kronikols 17:5

Eghume Lord ne toghoni mana mala kaisei king rheta te funei frunini nogna kantri na. Eghuteuna naiknodi Juda igre mei ne tusu ranghini mana nodi namha re. Aonu mana gognarona kaisei mae dedei fara nei fnakno eghu ka tathadi naikno te gnafa ka kantri Juda.

Ululahu Kings 10:25

Leuleghu finogha na naiknore hata mei namha ka King Solomon. Mare hata mei glepo te horo ka gol nei silva, famane pohe, glepo mala magra, sitha mala insens, hose nei dongki.

Ululahu Samuel 2:12

Phei thugna mae Pris Eli igre theome mae pris keli, eghuteuna phiamare theome ghatho tahuni Lord.

Mae Khuru 7:35

“Mae Moses gne, naiknodi Israel gre neke tirodinihi mana tifa na ne cheke eghu, ‘Tore! Mae ihei si teke vahi nigho te mala funei fruni ghami nei fate ghami teu ghehati na ia?’ Nu mae Moses igne la God teke kuru teini te mala funei frunidi nei fakarhidi teu mare na. Mae Moses ne tangomana te eni gloku igne ka nogna tothogho engel teke filoni mana ka gaju ikoi teke gnubra na.

Profet Isaia 36:21

Nu mae te au ke kligna gringni igre ne au kmu ne theome ghagri kaisei cheke, naugna King Hesekaea theome snakredi mare te cheke tughu ka mana na.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Nodi Khoje Hatimare Mae Jiu 38:13

Iara jateula mae te meglira eghu theome nomhidi mare. Iara jateula mae te iho chekera eghu theome gagri kaisei cheke.

Fapea Kronikols 13:7

Eghuteuna ke leghu, keha mae te diꞌa ne loku fodu ka mae Jeroboam ne fadiꞌani King Rehoboam thugna King Solomon. Ka narane tuare, King Rehoboam mana mae majaghani theome au tagna gaoghatho te keli, nei theome au nolaghi te kegra fothidi mare na.

Ululahu Kings 4:21

King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Fapea Samuel 8:2

Mana jaola ne tei goigonidi mae Moab, eghuteuna mana ne fathuru sorudi pari ka glose na ne fananaba gnarho mala laseni mae ihei nate lehe ka mare na. Ihei te mei naba kaisei nei phei teuna mala lehe. Nu ihei te mei fatilo na, mae tuana te mala karha. Aonu naiknodi Moab igre ne au ke parigna mana ne foli takis ka mana.

Ululahu Samuel 11:12

Aonu naiknore ne cheke eghu ka mae Samuel, “Ahevau mae teke cheke eghu ra, ‘Theome doglo mae Sol te kegra king ka tahati na teku ra?’ Hata mei agne mala aknu falehedi tahati!”

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Ululahu Samuel 11:13

Nu mae Sol ne cheke eghu, “Theo. Tahati theome tangomana te aknu faleheni kaisei mae ka theda na, naugna Lord neke fakarhidi naiknodi Israel gre ka narane igne.”

Ululahu Samuel 16:20

Aonu mae Jesi nomhini igne ne atha keha nanigot majaghani, keha bret nei kaisei duku guli nanigot te fodu ka waen ne luja ka dongki na ne tei balugna mae Devet ka king.

Ululahu Samuel 25:17

Iara magnahaghei nigho iagho te ghatho fakelini igne. Naugna puhi te eni mana igne ginauna fadiꞌani mae biꞌo igne nei jaola fadiꞌa ghita tahati hui. Mae igne thono fameomekro fara theome fanomho ka ihei.”

Ululahu Kings 5:1

King Hiram mae biꞌo gna Taea igne mana kaisei kheragna keli King Devet. Eghuteuna kate nomhini mana mae Solomon te king tughuni mae kmagna na, mana ne kurudi keha nogna mae mala tei filoni mana.

Eklesiasti 7:21

Thosei fanomho ka thoutonu te chekedi naiknore, glahu nomhini iagho te cheke fadiꞌa nigho nou mae gloku na.