Ululahu Samuel 10:25 - Buka Blahi Ka Cheke Holo

²⁵ Aonu mae Samuel ne chekedi ka naiknore nogna gloku ba unha te au nogna nolaghi mana te mala edi kate king mana na. Eghuteuna mana ne rioriso soru ka buka glepo igre. Gnafa teuna mana ne lilisei fakeli buka igne ka nogna Sugablahi Lord na. Eghuteuna mana neke kuru fapulodi naiknore ka namonodi re.

Ululahu Samuel 10:25 ပူးပေါင်းရင်းမြစ်များ

Taetus 3:1

Famane farirhiudi naikno khiloau are mala leghudi mare nogna vetula gavman na, nei leghudi nodi cheke goro mae biꞌo ka namono are, nei sasaꞌa te edi unha glepo te kelire.

Ululahu Timoti 2:2

Iagho mala taraidi hatimare mae King nei iheire fateo te au ka sape nafnakno. Taraidi hatimare mae biꞌo are mala tangomana tahati te au kmu ke paridi nei au fakeli baludi keha naiknore, ba au doglo nei ghatho tahuni God.

Diutronomi 31:26

“Ghotilo hata nogna Buka vetula Lord nomi God igne tei lilisei rhegna nogna Bokis Blahi Nhaꞌa cheke mana na. Igne jateula kaisei witnes eghu ka ghotilo naiknomi Israel jame te leghudi ghotilo puhi te diꞌa re.

Ululahu Samuel 8:9

Eghume iagho tei eni unha te magnahagheni mare na. Nu iagho cheke fakeli ka mare puhi nate eni mae king igne ka mare na. Nu ulu lahu na iagho famane cheke fakeli ka mare eigna puhi te mala funei fruni mae king na.”

Ululahu Samuel 11:14

Aonu mae Samuel ne cheke eghu ka mare, “Tahati na kafe tei Gilgal, mala chekeni te mae Sol ngala noda king tahati na.”

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Josua 22:6

Aonu Josua ne fablahidi, ne cheke eghu ranghidi, “Ghotilo tangomana te tei ka namono na. Eigna gognarona ghotilo dedei nomi fara, ghotilo au kmana nomi buluka, sipu, nanigot, nei silva, nei gol, nei bras, nei aean, nei jaola kmana nomi pohe. Ghotilo hata glepo teke uludi ghotilo ka magra ka nomi naoka ra, eghuteuna tufa ka vikemi ghotilo are.” Eghuteuna kate cheke te gnafa ka mare na, mare neke pulo ka namono. Tifa na, Moses neke snakre tei glose ka vido gaga vikegna Manase, eghuteuna glose igne te au ka rijon Basan ke maghati ka keha phile Khoꞌu biꞌo Jordan. Nu ke leghu na, Josua neke tusu lao glose ka keha vido gaga vike igne, ka keha phile ke mosu Khoꞌu biꞌo Jordan, ka namono aheva teke aula keha vikere.